नेपाल लाइफ ई.क.लि.निजगढ शाखाले शुक्रबार स्व.गोलेको परिवारको घरदैलोमै गएर एक कार्यक्रम बिच मृत्यु दाबी रकम भुक्तानी गरेको छ ।
जितपुर सिमरा उपमहानगरपालिका वार्ड नम्बर १७ रामनगर निवासी स्व.सिम्रन गोलेले नेपाल लाइफ इन्स्योरेन्समा २०७८ साल फागुनको २० गते बिमा पोलिसी खरिद गरेकी थिइन् ।
उनको गत असार १९ गते अकल्पनीय घटना सर्पको टोकाइबाट मृत्यु भएको थियोे ।
सो दु:खद घटना भएकोमा हकवाला चन्द्रकुमार घिसिङलाई ५ लाखको बिमा बोनस थपेर १० लाख ४० हजार रुपैयाँ बिमाको घरमै पुगेर मृत्यु दाबीलाई चेक हस्तान्तरण गरिएको एजेन्जी म्यानेजर श्रीराम साहले जानकारी दिएका छन् ।
स्वर्गीय गोलेले खरिद गरेको बिमा पोलिसीमा २ किस्तामा रु.७८ हजार मात्रै बुझाउनु भएको थियो ।
उक्त चेक हस्तान्तरण कार्यक्रममा जितपुरसिमरा उपमहानगरपालिका वार्ड नम्बर १७ का वडा अध्यक्ष भिम लामा,नेपाल लाइफ निजगढका उपशाखा प्रमुख कमल बन्जारा,एजेन्सी म्यानेजर श्रीराम साह,इन्दिरा देवकोटा,प्रेम चौधरी,समिना कौडेल र पार्वती मैनाली लगायतको उपस्तिथि रहेको थियो ।
