पर्सा प्रहरीले ११ लाख ८० हजार बराबरको धान लोड रहेको ट्रयाक्टरलाई नियन्त्रणमा लिएको छ ।
पर्सा विन्दवासिनी गाउँपालिका–४ स्थित सडकखण्डबाट ना.४ त २५७२ नम्बरको ट्रयाक्टरलाई नियन्त्रणमा लिएको हो ।
उक्त ट्रयाक्टरमा लोड रहेको छ हजार केजी धान बरामद गरिएको प्रहरीले जनाएको छ ।
ट्रयाक्टर चालक पर्साको पकहा मैनपुर गाउँपालिका–१ बस्ने बिनोदकुमार महतोलाई पक्राउ गरि आवश्यक कारवाहीको लागि वीरगञ्ज भन्सार कार्यालयमा बुझाइएको पर्साका प्रहरी प्रबक्ता डिएसपी कुमार बिक्रम थापाले जानकारी दिएका छन् ।
