पर्साको पर्सागढी नगरपालिकामा रहेको खोलाबाट अबैध रुपमा बालुवा निकाल्ने एउटा ट्रयाक्टर प्रहरीले नियन्त्रणमा लिएको छ ।
पर्सागढी नगरपालिका–३ स्थित कर्जनहा खोलाबाट अबैध रुपमा उत्खनन् गरेको बालुवा सहित ट्रयाक्टर प्रहरीले नियन्त्रणमा लिएको हो ।
नियन्त्रणमा लिइएको ट्रयाक्टरको नम्बर खुल्न सकेको छैन। प्रहरी चौकी मिलन चोकबाट खटिएको प्रहरीले वीरगञ्ज महानगरपालिका ३१ ईस्लामपुरबाट दुई फिटको गोलाई र पाँच फिट लम्बाई भएको सालको गोलिया काठ बरामद गरेको छ ।
त्यस्तै पर्सागढी नगरपालिका–३ वडनिहारबाट प्रहरीले सालको काठको काचो दाउरा पाँचवटा साइकल ल्याउदै गर्दा नियन्त्रणमा लिएको छ ।
दाउरा ल्याउनेहरु भने प्रहरीलाई देखेपछि फरार भएको तथा साइकल र दाउरा सब डिभिजन वन कार्यालय बडनिहारको जिम्मा लगाईएको ईलाका प्रहरी कार्यालय पटेर्वा सुगौलीले जानकारी दिएको छ।
