बारा जीतपुरसिमरा उपमहानगरपालिका १६ खयरसल्लामा रहेको पशुपतिनाथ मन्दिरमा अखण्ड श्रीमद वाल्मीकिय रामायण पाठ पारायण तथा हनुमानको मुर्ति प्राण प्रतिष्ठा शूरू भएको छ ।
मन्दिर संरक्षण समिति खयससल्ला–झल्लको आयोजनामाबाट युवा बाचक हरिकृष्ण पौडेल एवं सहबाचक नवराज घिमिरेको मुखार विन्दुबाट अखण्ड श्रीमद वाल्मीकिय रामायण पाठ पारायण शुरू भएको हो ।
पाठपाराण पुर्वसंध्यामा शनिवार विहान ८ः०० बजे कलश यात्रा निकालिएको पशुपति मन्दिर संरक्षण समितिका अध्यक्ष रमेश चन्द्र घिमिरेले बताएका छन ।
कलश यात्रा रामजानकी मन्दिर बदाफरको परिक्रमा गरि दुई किलोमिटर उत्तरमा रहेको बालगंगा खोलाबाट जल उठाई जलेश्वर पर्यटकीय क्षेत्र जलेश्वर धाम,नवदुर्गा मन्दिर,कृष्ण मन्दिर र बह्मथान बाबाको परिक्रमा गरि पशुपति मन्दिरमा पुगी कलशयात्रा समापन गरिएको थियोे ।
कलश यात्रामा करिव पाँचसय श्रदालु भक्जनको उपस्थिति रहेको थियो । उक्त पाठ पारायण तथा हनुमानजीको मुर्ति प्राण प्रतिष्ठा कार्यक्रम चैत ०५ गते समापन हुने युवा सहबाचक नवराज घिमिरेले जानकारी दिएका छन ।
करिब चार लाख रूपैयामा निर्मित हनुमान जीको मुर्ति भारतको जयपुरमा निर्माण गरिएको र यो मुर्ति चुम्बकीय ढुग्ङाबाट निर्माण भएको संरक्षण समितिले जानकारी दिएको छ ।
