बाराको जीतपुरसिमरा उपमहानगरपालिका वडा नम्बर १७ रामनगरमा हुने दुई दिने वृहत सांस्कृतिक कार्यक्रममा कलैयाको आर्शिवाद हास्पिटलले निशुल्क स्वास्थ्य सेवा दिने भएको छ ।
२८६० औँ सोनाम ल्होछार पर्वको पावन अवसरमा यही माघ १९ र २० गते हुने वृहत सांस्कृतिक कार्यक्रममा हस्पिटलले स्वास्थ्य सेवा दिने जनाएको छ ।
हस्पिटलले कार्यक्रममा आएका दर्शकहरुलाई आकस्मिक तथा प्राथमिक उपचारको सेवा दिने हस्पिटलका संचालक डा.राजेश कुमार साहले जानकारी दिएका छन ।
कार्यक्रममा उपस्थित दर्शकहरुमा आकस्मिक देखिने समस्याहरु(ज्वरो आउने,टाउको दुख्ने,पेट दुख्ने,ग्यास्टी) जस्ता स्वास्थ्य समस्याहरुलाई तत्काल सेवा सहित निशुल्क औषधी वितरण गरिने संचालक डा.साहले बताए ।
डा.साहका अनुसार कार्यक्रममा सहभागीहरु मध्ये कसैलाई घाउ,चोटपटक लागे तत्कालै कार्यक्रम स्थलमै ड्रेसिङ्ग गर्ने व्यस्था पनि मिलाईएको जनाए ।
नेपाल तामाङ्ग घेदुङ्ग संघ जिल्ला समन्वय समिति बाराको आयोजना तथा जीतपुरसिमरा उपमहानगरपालिका लगायतको सहयोगमा उक्त वृहत सांस्कृतिक कार्यक्रम गर्न लागिएको हो ।
