सुनको सिक्री नपाएको भन्दै विहे रद्ध गरेको आरोपमा विवाह सम्बन्धी कसुरको मुद्दा झेलिरहेका बेहुला सहित उनका परिवारका सदस्यहरु रिहा भएका छन ।
विवाह सम्बन्धी कसुरमा पक्राउ परेका बाराका बेहुला सहित पाँच जना धरौटीमा रिहा भएका हुन् ।
गत फागुन २८ गते राति जन्ति लिएर वीरगञ्ज महानगरपालिका–२४ मा आएका बेहुला बारा कलैया उपमहानगरपालिका–४ बस्ने उमेश साह गोढ,उनका बुवा बच्चालाल साह गोढ,बेहुलाका दाईहरु राकेश कुमार साह,मुकेश कुमार साह र बेहुलाको भिनाजु बारा परवानीपुर गाउँपालिका–५ बस्ने रामएकवाल साह धरौटीमा रिहा भएका हुन ।
पाँचैजनालाई सुनको सिक्री नपाएको निहुँमा विवाह छाडेर गईरहेको अवस्थामा पर्सा प्रहरीले पक्राउ गरेको थियो ।उनीहरु विरुद्ध जिल्ला अदालत पर्सामा गत चैत ९ गते जिल्ला अदालत पर्सामा विवाह सम्बन्धी कसुरमा मुद्दा दर्ता भएको थियो ।
सोही मुद्दाको बितेको आईतबार सुनुवाई गर्दै अदालतका न्यायाधिश दीपक खनालको ईजलाशले पाँचै जनासित धरौटी माँग गर्ने आदेश दिएको थियो ।
आदेश अनुसार धरौटी बुझाएर बेहुलासहित पाँचै जना तारेखमा रिहा भएका छन् ।पाँचै जना विरुद्ध अभिषेक साह गोढको जाहेरीले विवाह सम्बन्धी कसुर अन्र्तगत अदालतमा मुद्दा दायर भएको हो ।
