प्रदेश सरकारका मुख्यमन्त्रीलाई विश्वासको मत दिएसंगै अब नेपाली काँग्रेस पनि मधेस प्रदेश सरकारमा सहभागि हुने भएको छ ।
केन्द्रमा भएको नयाँ सता समीकरण अनुसार नेपाली काँग्रेस मधेस प्रदेश सरकारमा पनि सहभागी हुने भएको छ ।
नेपाली काँग्रेसले चार वटा मन्त्रालय लिएर मधेस प्रदेश सरकारमा सहभागी हुने भएको हो । नेपाली काँग्रेसबाट चार जना नयाँ मन्त्रीहरुको नाम समेत आईतबार टुँगो लागि सकेको छ ।
पर्सा क्षेत्र नम्बर ३ (ख) बाट निर्बाचित भएका प्रदेश साँसद जनाद्र्धन सिँह क्षेत्रीको नेतृत्वमा काँग्रेस प्रदेश सरकारमा सहभागी हुने भएको छ । क्षेत्री पनि मन्त्री बन्न लागेका छन ।
काँग्रेसले चारवटा मन्त्रालय पाएको क्षेत्रीले बताए ।उनले मन्त्रीहरुको नाम समेतको अन्तिम टुँगो लागिसकेको बताए । उनले आफनो नेतृत्वमा नै प्रदेश सरकारमा सहभागी हुने जानकारी दिए ।
केन्द्र सरकारमा एमाले र काङ्ग्रेस मिलेर नयाँ सहमति गरे पछि मधेस प्रदेशमा सोही अनुसार प्रदेस सरकार अघि बढेको छ ।
शनिबार नै जनमत पार्टी बाट निर्वाचित भएका मुख्यमन्त्री सतिस कुमार सिंहले बिश्वासको मत लिएका थिए । केन्द्रमा भएको सहमति अनुसा नै कांग्रेसले सिंहलाई बिशवासको मत दिएको थियोे ।
केन्द्रमा नया सता समीकरण अनुसार नै मुख्यमन्त्री सिंहले माओवादी,नेकपा एकीकृत समाजबादी,नेपाल संघीय समाजबादी र नागरिक उन्मुक्ति पार्टीका ६ जना मन्त्रीहरुलाइ शनिबार नै बर्खास्त गरेका थिए ।
यसअघि मधेस प्रदेशमा जनता समाजबादी पार्टी नेपालका सरोज यादवको नेतृत्वमा सरकार थियो । उनको सरकार ढलेपछि एमाले लगायत अन्य दलको साथ पाएर जनमत पार्टीले आफनो नेतृत्वमा प्रदेश सरकार बनाएको थियो ।
अहिले प्रदेश सरकार काँग्रेस एमाले दुबैलाई मिलाएर मन्त्री मण्डल बिस्तार गर्न लागेको हो ।
