पर्सामा बितेको तीन आर्थिक बर्षमा महिला बालबालिकाहरु हराउने क्रम बढेको तथा उनीहरु मध्ये फेला पर्ने क्रम घटेको छ ।
जिल्ला प्रहरी कार्यालय पर्साको तथ्याँक अनुसार पर्सामा पछिल्लो तीन आर्थिक बर्षमा नौ सय ५१ जना महिला बालबालिका तथा ज्येष्ठ नागरिक हराएका छन् ।
जसमा सबैभन्दा बढी बितेको आर्थिक बर्ष ०८०/८१ मा तीन सय ३२ जना हराएको पर्सा प्रहरीको तथ्याँकले देखाएको छ । यस आवमा एक सय ५६ जना बालिका,महिला एक सय ३२,बालक ४२ र जेष्ठ नागरिक दुई जना हराएका छन् ।
यस्तै आव ०७९/८० मा भने तीन सय २९ जना हराएकोमा एक सय ५५ बालिका,एक सय २३ महिला,बालक ४४ र जेष्ठ नागरिक सात जना हराएका छन् । त्यस्तै आव ०७८÷७९ मा भने कुल दुई सय ९० जना हराएकोमा एक सय ३३ जना बालिका,महिला एक सय ८,बालक ४५ र चार जना जेष्ठ नागरिकहरु हराएको जिल्ला प्रहरी कार्यालय पर्साले जानकारी दिएको छ ।
तीन आर्थिक बर्ष मध्ये खोजबिनको क्रममा सबै भन्दा बढी बितेको आव ०८०/८१ मा एक सय १४ जना बालबालिकाहरु फेला परेका छैनन । यस अवधिमा जम्मा दुई सय १४ जना मात्रै फेला परेका छन ।
त्यस्तै आव ०७९/८० मा भने ५४ जना बालबालिका फेला पर्न सकेका छैनन । यस आवमा जम्मा दुई सय ७५ जना बालबालिका खोजतलाश गर्दा फेला परेको पर्साका प्रहरी प्रबक्ता डिएसपी दिपक भारतीले जानकारी दिए ।
आव ०७८/७९ मा भने हराएका मध्ये दुई सय ९५ जना फेला परेका छन भने ३१ जना फेला पर्न सकेका छैनन ।तीन आर्थिक बर्षका् अवधिमा प्रहरीले आव ०७९/८० मा सबै भन्दा बढी दुई सण्य ३६ जना महिला बालबालिकाहरुलाई उद्धार गरेको छ ।यस्तै आव ०८०/८१ मा दुई सय २ र आव ०७८/७९ मा एक सय ९० जना महिला तथा बालबालिकाहरुको उद्धार गरिएको पर्सा प्रहरीले जनाएको छ ।
