राष्ट्रिय शिक्षा दिवस २०८१ को अवसरमा पुरस्कार वितरण गरिएको छ। जीतपुरसिमरा उपमहानगरपालिकाको कार्यालयले ने.रा.मा.बि. सिमराको सभा हलमा माध्यमिक तहमा उत्कृष्ट गर्ने बिद्यार्थीहरुलाई सम्मान गरिएको हो।
यहाँ कार्यक्रमको आयोजना गरी कक्षा ८ कक्षा १० र १२ को परीक्षामा उत्कृष्ट गर्ने बिद्यार्थीहरुलाई सम्मान गरी पुरस्कार बितरण गरिएको हो।
उत्कृष्ट गर्ने बिद्यार्थीहरुलाई उपमहानगरपालिकाको शिक्षा,युवा तथा खेलकुद माहाशाखा प्रमुख उपसचिव शिवजी प्रसादले प्रमाणपत्र,झोला,डिक्सनरी,डायरी,दुई वटा कलम,क्यालकुलेटर र दोसल्ला वितरण गरेका हुन्।
सम्मानित हुने बिद्यार्थीहरुमा कक्षा ८परीक्षामा श्री ने.रा.मा.बि.सिमराबाट उत्कृष्ट गर्ने छात्रा श्रुती कुमारी र कृष्ण रानाभाट सो कार्यक्रममा सम्मानित भएका हुन्।
जनजागृति मा.वि. पिलुवाका छात्र अनुष अधिकारी, ब्राईटर एकेड्मी सिमराका छात्र ईसान्त रेग्मी र मुबिका सिँह र राष्ट्रिय बिभुती सामुदायिक शिक्षा सदन डुमरबानाका छात्रा अस्मिता गुरुङ्ग रहेका छन् । त्यस्तै कक्षा १० को परीक्षामा जनता मा.बि. रजघट्टाका छात्र अंशुकुमार झा र ब्राईटर एकेड्मी सिमराका छात्र राहुल यादब पुरस्कृत भएका छन् ।
कार्यक्रम बिच कक्षा १२ को परीक्षामा बारा जिल्लामा सामुदायिक बिद्यालयतर्फ उत्कृष्ट गर्ने सिमरा मा.वि.का छात्र गौरबमान श्रेष्ठ र सामना भट्टराई र मधेश प्रदेशमै उत्कृष्ट गर्ने सिमरा पब्लिक ईङ्गलीस बोडिङ्ग स्कुलकी छात्रा काजल मण्डल पुरस्कृत भएका छन्।
त्यस्तै कक्षा ८ सम्मको स्थानीय पाठ्यक्रम निर्माणमा सहयोग गरेका शिवजी प्रसाद,हरीश भट्ट,प्रदिप गुप्ता,दिपक कायस्थ,सुरेन्द्र चौरसिया,जयप्रकाश राय,रञ्जु अधिकारी,सुजता लामिछाने, सिता अधिकारी,पवनकुमार यादब,खुलप्रसाद गौतम,रामप्रसाद अधिकारी र नेत्र प्रसाद दाहाललाई सम्मान गरी प्रशंसा पत्र प्रदान गरिएको थियो ।
कार्यक्रमका बिच शिक्षा,युवा तथा खेलकुद माहाशाखा प्रमुख शिवजी प्रसादले कक्षा ८ सम्मको स्थानीय पाठ्यक्रम निर्माण भईसकेको बताएका थिए। उनले कक्षा ५ सम्मको स्थानीय पाठ्यक्रममा आधारित किताब छाप्ने कार्यको अन्तिम चरणको गृहकार्य भइरहेको जानकारी दिएका थिए ।
