पर्सा : पर्सागढी नगरपालिका वडा नं.३ बड्निहारबाट शनिबार झयाल १० वटा र ढोका ७ वटा बरामद गरेको छ ।
ना ३ त ३२२७ नम्बरको ट्रेयाक्टर बाट सो परिमाणको सामग्री बरामद भएको डिभिजन बन कार्यालय बाराका डिभिजनल बन अधिकृत मञ्जुर अहमदले जानकारी दिए ।
बड्निहार सब डिभिजन बन कार्यालयका जमदार जीतबहादुर तमाङ्गको कमाण्डमा गएको टोलीले ट्रेयाक्टर रोकि चेकजाच गर्दा काठको स्रोत खुलाउँन नसकेपछि पक्राउ गरिएको हो ।
बड्निहार सब डिभिजन बन कार्यालयका प्रमुख बन अधिकृत नवनीत मिश्राका अनुसार ट्रेयाक्टरले झयाल र ढोका लोड गरी बिरगंज महानगरपालिका वडा नं.३१ मा गईरहेको थियो । झयाल र ढोका बनाईएको काठको स्रोत खुलाउँन नसक्दा चालकलाई नियन्त्रणमा राखेको बन अधिकृत मिश्रले बताए ।
चालकलाई आवश्यक अनुसन्धानकोलागि डिभिजन बन कार्यालय पर्साको जिम्मा लगाएका उनले बताए ।
डिभिजन बन कार्यालय पर्साका डिभिजनल बन अधिकृत मञ्जुर अहमदले यस बिषयमा अनुसन्धान भईरहेको बताए ।
अनुसन्धान पछि काठ र मानिसको बिषयमा थप जानकारी दिन सक्ने जानकारी दिए । काठ र ट्रेयाक्टरलाई बड्निहार सब डिभिजन बन कार्यालयको नियन्त्रणमा राखिएको जनाईएको छ ।
