पौने दुई करोड भन्दा बढीको सामानसहित दुई वटा ट्रक पर्सा प्रहरीले नियन्त्रणमा लिएको छ ।
राजश्व छलिएको सामान भएको आशंकामा प्रहरीले वीरगञ्ज महानगरपालिका २५ चण्डाल चोकमा जाँच गरेको थियो ।
जाँचको क्रममा ना.५ ख २९१२ र ना.३ ख ७७२७ नम्बरको ट्रकहरूमा लोड रहेको विभिन्न सामानहरु नियन्त्रणमा प्रहरीले लिएको थियो ।
दुबै ट्रकमा लोड रहेको एक करोड ८२ लाख ६ हजार ४३८ बराबरको काजु,ज्वानो र ईलेक्ट्रोनिक्स सामानहरू बरादम गरिएको पर्साका प्रहरी प्रबक्ता प्रहरी नजायब उपरीक्षक दिपक भारतीले साझेदारी दैनिकलाई जानकारी दिए ।
ट्रकसहित सामानहरुलाई आवश्यक कारवाहीको लागि राजस्व अनुसन्धान कार्यालय पथलैयामा बुझाइएको उनले बताए ।
