बार्षिकोत्सवका अवसरमा बृहत रक्तदान तथा आँखा शिविर

संदिप प्रसाद यादव
संदिप प्रसाद यादव 485 पाठक संख्या
1 मिनेट पढ्न लाग्ने समय

बाराको कलैया रहेको सकृय जन जागरण युवा क्लबले आफ्नो २६ औं बार्षिकोत्सबका अवसरमा विविध कार्यक्रमहरुको आयोजना गरेर मनाएको छ ।

बार्षिकोत्सवका अवसरमा क्लबले कलैयामा मंगलवार बृहत खुल्ला रक्तदान कार्यक्रम र निशुल्क आँखा शिबिर सन्चालन गरेको हो ।

उक्त दुवै कार्यक्रमको जिल्ला प्रशासन कार्यालय बाराका प्रमुख जिल्ला अधिकारी नवराज सापकोटाले उद्घाटन गर्नुभएको थियो ।

सो अवसरमा सम्बोधन गर्दै प्रमुख जिल्ला अधिकारी सापकोटाले संघसंस्थाद्धारा समाजमा यस्ता मानवीय कार्यहरु गर्नुपर्ने आवश्यकता रहेको बताएका छन । उहाँले जनजागरणले गरेका कार्यहरुको प्रसंशा गर्दै गरिब,निमुखाहरुको लागि लागि यस्ता सेवामुलक कार्यहरु गर्न आग्रह गर्नुभयो ।

क्लब संस्थाका अध्यक्ष भैयाराम यादवको अध्यक्षतामा बृहत रक्तदान कार्यक्रममा ९ जना महिला र ७१ जना पुरुष गरि जम्मा ८० जनाले रक्तदान गरेका छन ।

यसैगरी सोही अवसरमा ८७ जनाको रगतको समूह परिक्षण र मधुमेह परिक्षण गरिएको थियो । रक्तदानका लागि रक्त सन्चार केंद्र वीरगंजले प्राविधिक सहयोग गरेको संस्थाको कार्यकारी निर्देशक श्रीनिवास बैठाले जानकारी दिएका छन् ।

यसैगरी मंगलवार नै आयोजना गरिएको निशुल्क आँखा शिविरमा २ सय १५ जनाको चेक जाँच गरिएका थिए । चेकजाँच गराएका मध्ये ३७ जनामा मोतिया बिन्दुको समस्या देखिएको संस्थाले जनाएको छ ।

आँखा शिविर किरण आँखा अस्पताल वीरगञ्जको सहकार्यमा संचालन गरिएको संस्थाकी लक्ष्मी खरेलले बताईन ।

संदिप प्रसाद यादव

समाचार शेयर गर्नुहोस
Leave a review