जनता समाजवादी पार्टीका सरोज कुमार यादव नेतृत्वको मधेस प्रदेश सरकार अल्पमतमा परेको छ ।
सत्ता गठबन्धनका दुई ठुला दल नेकपा एमाले र माओवादी केन्द्रले सर्मथन फिर्ता लिदै मन्त्रीहरुले राजीनामा दिएपछि यादव नेतृत्वको प्रदेश सरकार अल्पमतमा परेको हो ।
यी दुई दलले सर्मथन फिर्ता लिएपछि अल्पमतमा परेको प्रदेश सरकारमा नयाँ गठबन्धन सहित अर्को सरकार निर्माण हुने भएको छ ।
एमालेका मन्त्रीहरु सरोजकुमार यादव,राजकुमार लेखी,सत्रुधन सिंह, प्रमोदकुमार जयसवाल र राज्यमन्त्रीहरु केशव राय र शारदा थापाले आइतबार मुख्यमन्त्री सरोजकुमार यादवलाई राजीनामापत्र बुझाएका थिए् ।
यस्तै माओवादी केन्द्रबाट मन्त्री बनेका भरतकुमार साह र युवराज भट्टराईले पनि मधेस सरकारबाट राजीनामा दिइसकेका थिए ।
एमाले,माओवादीले अर्को सरकार निर्माण गर्न अन्यदलहरुसंग कसरत थालेका छन । लोसपा र जनमतसंग उनीहरुले नयाँ सरकार गठन गर्न छलफल शुरु भएको छ ।
प्राप्त जानाकारी अनुसार सम्बभवत सोमबार नयाँ सरकार गठनका लागि दावी पेशगर्ने कार्यक्रम रहेको छ । नेकपा एमालेको नेतृत्वमा नयाँ सरकार गठनका लागि दावी पेशगर्ने सहमति भएको छ। एमाले नेतृत्वमा सरकार बन्दा एमालेका संसदीय दलका नेता सरोजकुमार यादव मुख्यमन्त्री बन्नेछन ।
नयाँ सरकार गठनका लागि सोमबार प्रदेश प्रमुख सुमित्रा भण्डारी समक्ष दावी पेश गरिने जनाईएको छ । मधेश प्रदेश सभामा १०७ साँसद छन् ।
नयाँ सरकार बनाउन मात्र ५४ साँसद आवश्यक पर्छ । एमाले,माओवादी लोसपा र जनमत सरकारका दावी पेश गर्न लागेका चार दलसँग ५५ साँसद छन् ।
