बारा प्रहरीले ६२ किलो लागू औषध गाँजा सहित हाईस गाडी नियन्त्रणमा लिएको छ ।
प्रहरी चौकी पथलैया बाराबाट प्रहरी सहायक निरीक्षक हरिन्द्र प्रसाद यादवको कमाण्डमा खटिएको प्रहरी टोलीले सो गाँजालाई नियन्त्रणमा लिएको हो ।
जिल्लाको जीतपुर सिमरा उप–महानगरपालिका वडा नम्बर १ पथलैया चोक स्थितमा हुलाश फ्याक्ट्री अगाडि रोकिएर राखेको अवस्थामा गाडीलाई जाँच गर्ने क्रममा लुकाई छिपाई राखेको लागू औषध गाँजा सहित हाईस गाडी प्रहरीले नियन्त्रणमा लिएको हो ।
जिल्ला प्रहरी कार्यालय बाराका अनुसार ना १ ज ८४५८ हाईस गाडीसहित ६२ किलो लागू औषध गाँजा बरामद गरिएको हो ।
उक्त लागू औषध गाँजा बरामद गरी आवश्यक कानुनी प्रकृया अगाडी बढाईएको बाराका प्रवक्ता एवम् प्रहरी नायब उपरीक्षक प्रकाश सापकोटाले जानकारी दिएका छन् ।
