नेकपा एमाले बाराको ११ औं जिल्ला अधिवेशनबाट नयाँ नेतृत्वको अध्यक्षमा अध्यानन्द पाण्डे निर्वाचित भएका छन् ।
नेकपा एमाले बाराको ११ औं जिल्ला अधिवेशन अन्तर्गत शनिबार सम्पन्न मत परिणाम अनुसार नयाँ नेतृत्व गर्न लाई अध्यक्षमा अध्यानन्द पाण्डे ३ सय ७७ मत ल्याई निर्वाचित भएको निर्वाचन अधिकृत महम्मद रफिक मियाले जानकारी दिएका छन् ।
उनको प्रतिद्वन्दी टिना सुवेदी ३ सय ४३ मत ल्याएर पराजित भएकी छिन् ।
नेकपा एकीकृत मार्क्सवादी लेलिनवादि (एमाले) बाराको जिल्ला अध्यक्षमा पाण्डेले आफ्ना निकटतम प्रतिद्वन्द्वी सुवेदीलाई ३४ मतले पराजित गर्दै बिजयी भएका हुन् ।
यसैगरी जिल्ला अधिवेशनबाट उपाध्यक्षमा भुलन चौधरी ३ सय ६४ मत ल्याएर निर्वाचित भएका छन् ।
उनको प्रतिद्वन्दी नारायण गौतमले ३ सय ४० मत मत ल्याएका छन् ।
यस्तै सचिवमा अमृत शर्मा बजगाईले ३ सय ६३ मत ल्याई निर्वाचित भएका छन् भने उनको प्रतिद्वन्दी एम समिउल्लाह ३ सय २७ मत ल्याएर पराजित भएका हुन् ।
खुल्ला उपसचिवमा जवाहिर अन्सारी ३ सय ५७ मत ल्याई निर्वाचित भएका छन् भने उनको प्रतिद्वन्दी धनिराम चौधरी ३ सय ४१ मत मत ल्याएका छन् ।
त्यसैगरी महिला उपसचिमा भावना आचार्य ३ सय ६८ मत ल्याई निर्वाचित भएकी छिन् भने उनकी प्रतिद्वन्दी कमला धिमिरेले ३ सय २५ मत ल्याई पराजित भएकी छिन् ।
शुक्रबार साझ नया नेतृत्वका लागि मतदान भएको थियोे ।
एमाले बाराको ११ औं अधिवेशन गत सोमबार नेपाल कम्युनिष्ट पार्टी एमालेका केन्द्रिय बरिष्ठ उपाध्यक्ष ईश्वर पोखरेलले उद्घाटन गरेका थिए ।
