भारतको बिहार राज्यको सीमाना बारा जिल्लाका सीमानाकासंग जोडिएको क्षेत्र तिन दिनसम्म बन्द रहने भएको छ ।
बिहारको पश्चिमी चम्पारणमा लोकसभा चुनावलाई दृष्टिगत गर्दै बाराका सीमानाका तीन दिन बन्द रहने भएको हो ।
जिल्ला प्रशासन कार्यालय बाराले सोमबार एक सूचना जारी गरी भारत बिहारको पश्चिम चम्पारण जिल्लामा हुने लोकसभा चुनावको लागि सिमानाका बन्द गर्न लागिएको जनाएको छ ।
बाराका प्रमुख जिल्ला अधिकारी शशिधर घिमिरेद्वारा हस्ताक्षरित सूचनामा सीमानाका बन्द हुने जनाइएको हो ।
सूचनामा अगामी जेठ १० गते बिहान ६ बजेदेखि १२ गते बेलुकी ६ बजेसम्म तिन दिनको लागि सीमानाका बन्द हुने उल्लेख छ ।
पश्चिम चम्पारण,बेतिया (बिहार)को पत्रबाट चुनावको लागि सीमानाका बन्द गर्न अनुरोध भई आए बमोजिम सीमानाका बन्द गरिने सूचनामा बताइएको छ ।
