एक सरकारी अधिकृत सहित दुई व्यक्तिको हत्या सहित विभिन्न श्रृंखलाबद्ध चोरी,डकैतीमा संलग्न रहेको आरोप फरार एक व्यक्तिलाई पर्सा प्रहरीले पक्राउ गरेको छ ।
यसरी पक्राउ पर्नेमा पर्सा जिल्ला सखुवा प्रसौनी गाँउपालिका वडा नम्बर ५ बलुवाका ७२ बर्षिय प्रेम गिरी हुन ।
गिरीलाई प्रहरीले आईतवार पक्राउ गरेको हो । दुई व्याक्तिको हत्या, डाँका मुद्दा र हातहितयार तथा खरखजाना मुद्दामा समेत अदालतबाट दोषी ठहर भई सजाय समेत तोकिएका गिरी लामो समयदेखी फरार थिए ।
गिरीले करिब १६ बर्ष अघि जिल्ला प्रशासन कार्यालय पर्साका तत्कालीन अधिकृतको गोली हानी हत्या गरेर फरार भएका थिए ।
२०६५ असोज २२ गते जिल्ला प्रशासन कार्यालय पर्साका तत्कालीन शाखा अधिकृत ५२ बर्षिय मोहन प्रसाद मैनालीको गोली हानी हत्या गरेका थिए।
त्यसअघि गिरीले २०५७ भदौ १२ गते पर्साकै विन्दबासिनी गाँउपालिका ४ का ३०कर्षिय देवेन्द्र यादवको घरमा डकैती गर्ने क्रममा गिरीसहितको डाँका समुहले यादवको गोली हानी हत्या गरेका थिए ।
उनले अधिकृत मैनाली र यादवको हत्या गर्ने,हातहितयार तथा खरखजाना मुद्दामा पनि फरार अभियुक्त रहेका थिए ।
अपराधिक गतिविधिमा संलग्न गिरी नेपाल प्रहरीको सर्वाधिक खोजी (मोस्ट वान्टेड) को सुचीमा पनि रहेको जिल्ला प्रहरी कार्यालय पर्साका प्रहरी नायब उपरीक्षक कुमार विक्रम थापाले जानकारी दिएका छन ।
