निजगढ : उमेश घलान/ बाराको निजगढबाट ठूलो परिमाणको लागु औषधसहित ५ जनालाई पक्राउ परेका छन ।
इलाका प्रहरी कार्यालय निजगढले निजगढ ४ स्थित मोहोरी खोला नजिकबाट प्रतिबन्धित लागु औषध खरिद बिक्री भइरहेको भन्ने विषेश सूचनाको आधारमा उनीहरुलाई पक्राउ गरीएको हो ।
इलाका प्रहरी कार्यालय निजगढबाट खटेको प्रहरी टोलीले निजगढ नगरपालिका १० चौकीटोल बस्ने अन्दाजी वर्ष २८ को प्रेम वाइबा,सोही ठाउँका अन्दाजी वर्ष २२ को धनबहादुर थिङ, अन्दाजी वर्ष ३० को ज्ञानबहादुर घलान,निजगढ वडा नम्बर १० बिच टोल बस्ने अन्दाजी वर्ष २४ को अमृत दुलाल र मकवानपुरको बकैया गाउँपालिका ६ भालु खोलाका अन्दाजी वर्ष २५ को बिजय योञ्जनलाई आईतवार दिउसो ४ बजे लागुऔषध सहित नियन्त्रणमा लिएको हो ।
प्रहरीले उनीहरुको शरीर र झोलासमेत चेकजँच गर्दा प्रतिबन्धित लागु औषध ५७ पत्ता ट्रमाडोल– ५०,५ पत्ता एन्टिकोफ ट्याब्लेट र ५ पत्ता डेभोक्सिन– १० बरामद भएको जनाएको छ ।
बरामद लागु औषधसहित नियन्त्रणमा लिएर निजहरुमाथी थप अनुसन्धानको लागि इलाका प्रहरी कार्यालय निजगढमा राखिएको बारा प्रहरीले जनाएको छ ।
