पर्सा प्रहरीले बिलबिजक भन्दा बढी रेडिमेट कपडा तथा खुद्रा सामानहरू बोकेको एउटा माल बाहक ट्रकलाई नियन्त्रणमा लिएको छ ।
वीरगञ्जबाट झापातर्फ जाँदै गरेको ना.३ ख ४६५१ नम्बरको मालवाहक ट्रकलाई प्रहरीले नियन्त्रणमा लिएको हो ।
पर्सा वीरगञ्ज महानगरपालिका–.१४ गण्डक चोकस्थित सडकखण्डमा रोकेर सो ट्रकको प्रहरीले जाँच गरेको थियो ।
जाँचको क्रममा उक्त ट्रकमा बिल बिजक भन्दा बढी सामान रहेको पाइएको प्रहरीले जनाएको छ ।ट्रक र सामानलाई ४२ लाख ३२ हजार ८२७ रुपैया मूल्यांकन गरिएको छ ।
थप अनुसन्धान तथा आवश्यक कारवाहीको लागि सो ट्रक राजश्व अनुसन्धान कार्यालय पथलैया,बारामा बुझाइएको पर्साका प्रहरी प्रवक्ता प्रहरी नायब उपरीक्षक कुमारबिक्रम थापाले जानकारी दिए ।
