नेपाली कांग्रेस निकटस्थ नेपाल विद्यार्थि संघले सहकारी बचतकर्ताहरुको बचत फिर्ता गराउन लगायत चार सुत्रीय माग गर्दै ज्ञापनपत्र प्रस्तुत गरेको छ ।
नेपाल विद्यार्थि संघ बाराका अध्यक्ष समिर चौधरी नेतृत्वको टोलीले बुधबार जिल्ला प्रशासन कार्यालय बारामा ज्ञापनपत्र प्रस्तुत गरेको हो ।
उसले जिल्ला प्रशासन कार्यालय बारा मार्फत नेपाल सरकार, प्रधानमन्त्री तथा मन्त्री परिषदलाई ज्ञापनपत्र मार्पmत ध्यानाकर्षण गराएको हो ।
ज्ञापनपत्रमा सहकारीको समस्यालाई दिगो रुपमा समाधान गर्न र सहकारीको रकम दुरुपयोग गरी अपचलन गर्ने सहकारी ठगहरुलाई कानुनको दायरामा ल्याई कानुनी कारवाही गर्न माग गरिएको छ ।
सहकारी ठगीमा संलग्न सहकारी संस्था,सदस्य र सम्बन्धित व्यक्तिहरुलाई कानुन दायरामा ल्याउन तत्काल निष्पक्ष संसदीय छानवीन समिति गठन गर्न ज्ञापनपत्रमा माग गरिएको छ ।
विद्यार्थि केन्द्रित आवश्यक परिमार्जन एवम् संशोधन सहित विद्यालय शिक्षा विधेयक २०८० तत्काल लागु गर्न उक्त ज्ञापनपत्रमा माग गरिएको छ ।
उच्च शिक्षामा अध्ययन तथा अनुसन्धान गर्ने अवसर उपलव्ध गराई प्रतिस्पर्धाको आधारमा उच्च शिक्षाको गुणस्तर अभिवृद्धि गरी देशको शैक्षिक तथा प्राज्ञिक क्षेत्रलाई अझ बढी गुणस्तरीय मर्यादित र उपलव्धीपूर्ण मनाउन ज्ञापनपत्रमा माग गरिएको छ ।
विश्व विद्यालय तथा उच्च शिक्षण संस्थाको स्थापना,सञ्चालन नियमन र व्यवस्थापन सम्बन्धी कार्यलाई सहजीकरण र व्यवस्थित गर्नको लागि विश्वविद्यालय छाता ऐन सम्बन्धी विधेयक तत्काल प्रतिनिधि सभामा पेश गर्न ज्ञापनपत्रमा माग गरिएको छ ।
