रामराजा मोहन विक्रम शाह बहुमुखी क्याम्पसका क्याम्पस प्रमुख कुशवाहाको १३ औं पुण्य तिथिको अवसरमा कलैयामा बुधवार दिप प्रज्वलन भएको छ ।
सो अवसरमा सम्पुर्णहरुले स्व.कुशवाहाको आत्माको शान्तिका लागि दिप समेत उनीहरुले बालेका हुन् ।
उक्त दिप प्रज्वलन कार्यक्रममा राम राजा मोहन विक्रम शाह बहुमुखी क्याम्पसका व्यवस्थापन समितिका अध्यक्ष जंग बहादुर चौरसिया,कार्यवाहक क्याम्पस प्रमुख निवेश तिमिल्सिना,यूवा,विद्यार्थी,शिक्षक,कर्मचारी,नागरिकअगुवा,समाजसेवी,रामकिशोर यादव,राजनितिक दलका प्रतिनिधीहरु लगायतको सहभागी रहेको थियोे ।
गत जेठ ३२ गते साढे पाँच बजेको समयमा जिल्लाको आदर्शकोतवाल गाउँपालिका वडा नम्बर २ खजुरीया निवासी क्याम्पस प्रमुख कुशवाहाको हत्या भएको थियो।
उनले मोटरसाइकल चलाई खजुरियाबाट कलैया तर्फ आउने क्रममा जिल्लाको आदर्शकोतवाल गाउँपालिका वडा नम्बर ३ बतरा टोल स्थित ग्रेवल सडक खण्डमा पुग्दा अपरिचित व्यक्तिहरुको समूहले गोली हानी हत्या गरेका थिए ।
