बाराको जीतपुर सिमरा उपमहानगरपालिकाको सिमरामा रहेको एसपीईएस बोर्डिंग स्कुलले कक्षा १२ को परीक्षामा मधेश प्रदेशमै उत्कृष्ट गर्ने सहित ए प्लस ल्याउनेलाई नगद पुरष्कार दिएको छ । उसले १४ जना बिद्यार्थीहरुलाई जनही रु ३० हजारको दरले पुरस्कार बितरण गरेको छ ।
राष्ट्रिय परीक्षा बोर्डले सार्वजनिक गरेको कक्षा १२ को परीक्षाको नतिजामा अक्षरांकन( जि.पि.ए.) पद्धतिअनुसार ए प्लस ल्याउँने बिद्यार्थीहरुलाई सो बराबरको रकम प्रदान गरिएको एस.पि.ई.एसले जनाएको छ । उनीहरुको प्रोत्साहनका लागि विद्यालयले विहीबार बधाई तथा पुरस्कार वितरण कार्यक्रमको आयोजना गरेको थियो ।
सिमरा पब्लिक ईङ्गलिस स्कुल (एसपीईएस )का कक्षा ११ र १२ का संयोजक सुमन भट्टराईले ए प्लस ग्रेड ल्याउने १४ जना विद्यार्थीलाई ३० हजारका दरले नगद उपलब्ध गराइएको जानकारी दिए । विद्यार्थीलाई सफल मात्र होइन असल बनेर समाज र राष्ट्रको सुयोग्य नागरिक बन्न उनले आग्रह गरे ।
यस विद्यालयमा अध्ययनरत छात्रा काजल कुमारी मण्डलले कक्षा १२ को नतिजामा ३.९१ जीपीए ल्याएर मधेश प्रदेशमै उत्कृष्ट भएकी छन् । राष्ट्रिय परीक्षा बोर्डले गत हप्ता नतिजा सार्वजनिक गर्दा मण्डलको ३दशमलव९१ जीपीए देखिएको हो ।
एसपीईएस बोडिङ्ग स्कुल सिमराबाट कक्षा १२ को परीक्षा दिएका ७५ जना बिद्यार्थीमध्ये ए प्लस ग्रेड ल्याउने १४ जना,ए ग्रेड ल्याउने २४ जना,बी प्लस ग्रेड ल्याउने २१ जना,बी ल्याउने ९ जना,सी प्लस ल्याउने १ जना र ६ जना एक विषयमा अनुर्तीण भएको विद्यालयले जनाएको छ ।
सर्वोत्कृष्ट जीपीए ल्याउनेहरुमा क्रिषा भट्ट(३.८८), राजन श्रेष्ठ(३.८१),दीपकठाकुर हजाम(३.७५),विवश श्रेष्ठ(३.७०),आशिका लामिछाने(३.७०),दीक्षा न्यौपाने(३.७०) दीपा पाठक(३.६६),प्रज्वन लामा(३.६५),अन्सु शर्मा वास्कोटा( ३.६४),इच्छुकुमारी स्यांगतान(३.६४),सुविन घले( ३.६४),स्वस्तिका श्रेष्ठ( ३.६४),सुजल पौडेल(३.६२) रहेका छन् ।
उनीहरुका अभिभावकसहित विद्यालयले विद्यार्थीलाई सम्मान गरेको हो । त्यस्तै कार्यक्रममा स्कुलका पूर्व विद्यार्थी एवम् हाल पेशाले चार्टर एकाउन्टेन्ट सरोज भट्टराईलाई सम्मान गरिएको थियो ।
सोही स्कुलमा अध्ययन गरेर चार्टर एकाउन्टेन्ट जस्तो पेशामा आवद्ध रहेको र अन्य विद्यार्थीलाई समेत प्रेरणा मिलोस् भन्ने उद्देश्यले कार्यक्रममा भट्टराईलाई सम्मान गरिएको थियो ।
