बाराको जीतपुरसिमरा उपमहानगरपालिका वडा नम्बर १६ पिलुवामा विहीबारदेखी साप्ताहिक श्रीमद् तारतमसागर तथा श्रीमद् भागवत ज्ञान महायज्ञ शुरु भएको छ ।
उक्त महायज्ञको प्रमुख अतिथी समेत रहेका जीतपुरमिरा १६ का वडा अध्यक्ष हरीदेव खरेलले उद्घाटन गर्नुभएको थियो । सो अवसरमा बोल्दै वडाअध्यक्ष वडाअध्यक्ष खरेलले यस्ता धार्मिक कार्यक्रमले समाज रुपान्तरणमा सहयोग पुग्ने बताएका छन ।
धर्म र संस्कृतिले नै समाजलाई जोड्ने भएकाले यसलाई जोगाई राख्नु हामी सवैको दायित्व रहेको उनले बताए । उनले अब विद्यालय स्तरबाटै नै धार्मिक र अध्यात्मका कुरा सिकाउन जरुरी रहेको बताउदै वडा अध्यक्ष खरेलले आफ्नै वडामा बन्न लागेको गुरुकुल निर्माणमा सम्पुर्ण साथ र सहयोग गर्ने प्रतिबद्धता जनाए ।
कृष्ण प्रणामी मन्दिर संतसंग भवन पिलुवा बाराको गजुर निर्माण एवम् गुरुकुल संचालनका निमित्त उक्त महायज्ञ आयोजना गरिएको उक्त महायज्ञ उद्घाटन पुर्व विहीबार नै विहान कलश शोभा यात्रा निकालिएको थियो ।
हजारौको संख्यामा निकालिएको शोभा यात्राले वडाको विभिन्न टोलहरुको परिक्रमा मश्चात पुन महायज्ञ स्थालमा पुगेर कलश यात्रा विर्सजन गरिएको आयोजक मुल समितिका सचिव विनोद कार्कीले बताएका छन ।
महायज्ञको मुख कथा बाचक भागवतचार्य बाणी विषारद शास्त्री नविन कृष्ण ढुंगेल र कथाबाचक बाणि विषारद बुद्धि प्रकाश लुईटेल लगायतको रहनु भएको छ ।
मंसिर २६ गतेसम्म संचालन हुने सो महायज्ञमा दैनिक कार्यक्रमहरु अन्तरगत विहान ७ बजे मण्डप पुजा, विहान ८ देखी १० बजेसम्म भागवत पाठ वाचन,११ बजेदेखी देखी ३ बजेसम्म भागवत कथा प्रवचन र बेलुसा ७ बजेदेखी १० बजेसम्म महात्मा कथा,भजनकिर्तन तथा विभिन्न झाँकीहरु देखाईने आयोजक मुल समितिका अध्यक्ष चेतनाथ खरेलले जानकारी दिएका छन ।
