रञ्जन यादब /
नसर्ने रोग सम्बन्धि जीतपुरमा बुधवार अभिमुखीकरण कार्यक्रम गरीएको छ।जन स्वास्वस्थ्य प्रबद्र्धन शाखाको आयोजनामा जीतपुरसिमरा उपमहानगरपालिकाको जनप्रतिनिधिसँग उक्त अभिमुखिकरण गरिएको हो ।
अभिमुखीकरण कार्यक्रममा जनप्रतिनिधिहरुसँग नसर्ने रोगको बिषयमा अन्तरक्रिया गरिएको जनस्वास्थ्य शाखाका सिनियर अहेब अधिकृत जितन ठाकुरले जानकारी गराएका छन ।सो अवसरमा कार्यक्रममा नसर्ने रोग मधुमेह ,(उच्च रक्तचाप )मुटुरोग ,क्यान्सर र दम रोगको बिषयमा जनप्रतिनिधिहरुलाई जानकारी गराईएको थियो ।
अभिमुखिकरण कार्यक्रमा नसर्ने ४ रोगहरुको लक्षण र बच्ने उपाय सम्बन्धमा जनस्वास्थ्य शाखा प्रमुख रबि भाष्करले जानकारी गराएका थिए । नसर्ने रोगको अहिले र पहिलेको अवस्थाको बिषयमा सहभागिहरुलाई जनस्वास्थ्य प्रमुख भाष्करले जानकारी गराएका थिए ।
जनप्रतिनिधिहरुले आफु र आफना गाउँघरमा देखिएका रोगहरुको बिषयमा कार्यक्रममा छलफल गरेका थिए । कार्यक्रममा जीतपुरसिमरा उपमहानगरपालिकाका ३२ जना जना जनप्रतिनिधिहरुकोको सहभागिता रहेको थियो ।
