भारतको बिहार राज्यको सीमाना जोडिएका पर्सा जिल्लाका सीमा जोडिएको क्षेत्र तीन दिनसम्म बन्द रहने भएको छ ।
बिहारको पश्चिमी चम्पारणमा लोक सभा चुनावलाई दृष्टिगत गर्दै पर्साका सीमानाका तीन दिन बन्द रहने भएको हो ।
जिल्ला प्रशासन कार्यालय पर्साले आइतबार एक सूचना जारी गरी भारत बिहारको पश्चिम चम्पारण जिल्लामा हुने लोकसभा चुनावको लागि सिमानाका बन्द गर्न लागिएको जनाएको छ ।
पर्साका प्रमुख जिल्ला अधिकारी दिनेशसागर भुसाल द्वारा हस्ताक्षरित सूचनामा सीमा नाका बन्द हुने जनाइएको हो । सूचनामा अगामी जेठ १० गते बिहान ६ बजेदेखि १२ गते बेलुकी ६ बजेसम्म तिन दिनको लागि सीमानाका बन्द हुने उल्लेख छ ।
पश्चिम चम्पारण,बेतिया (बिहार) को पत्रबाट चुनावको लागि सीमानाका बन्द गर्न अनुरोध भई आए बमोजिम सीमानाका बन्द गरिने सूचनामा बताइएको छ ।
