Sajhedari Daily
Latest News from Nepal

बारा, पर्सा सहित देशभरका थारु समुदाय मनाए माघी पर्व

माघ महिनाको पहिलो दिन विहिवार बारा,पर्सा सहित देशभरका थारु समुदायले विशेष हर्सोल्लाहका साथ माघी पर्व मनाएका छन ।

थारु समुदायहरुले यसैदिनलाई नयाँ बर्षको रुपमा पनि मनाउने गरेका छन । बाराका सवै स्थानीय तहमा बसोवास गर्ने थारु समुदायहरुले विशेष पर्वको रुपमा यो पर्व मनाएका छन । थारु समुदायसंगै अन्य समुदायहरुले पनि माघीलाई पर्वको रुपमा मनाएका छन ।

थारु जातिको मौलिकता बोकेको ऐतिहासिक चाड माघीलाई विकासे पर्वकोरुपमा लिने गरिन्छ । यस पर्वमा थारु समुदायले पूर्खाको आशीर्वाद थाप्ने, आफूभन्दा ठूलाको आदर र सानालाई माया गर्ने यसरी वर्षभरिको दुःखसुखका कुरा एकापसमा साटासाट गर्ने, मीठो–मसिनो खाएर आत्मसन्तुष्टि लिने गर्दछन ।

यस पर्वमा थारु समुदायहरुले विवाह गरी पराई घर गएका चेलीबेटीलाई कोसेलीको रुपमा धान, चामल लगायत उपहार पनि दिने चलन रहेको छ । वर्षदिनको कामको समिक्षा गरी नयाँ कामको शुरुवात गर्ने पर्व भएकाले माघीलाई थारु समुदायले अन्य पर्वभन्दा विशेष रुपले मनाउने गरेका छन ।

Comments are closed.

error: Content is protected !!