बाराको डुमरवानास्थित नेपाल राष्ट्रिय माध्यमिक विद्यालयमा मंगलबार एक कार्यक्रमवीच विद्यालयका दृष्टिविहीन एवं सुस्त श्रवण शक्ति भएका विद्यार्थीलाई ‘हियरिङ एड’ वितरण गरिएको छ ।
जनजागरण युवा क्लब कलैयाको सहयोगमा विद्यार्थीहरुलाई मंगलवार उक्त ‘हियरिङ एड’ वितरण गरिएको हो ।
विद्यालयका विद्यार्थीलाई ‘हियरिङ एड’ वितरण गरिएको विद्यालयका प्रधानाध्यापक सरदचन्द्र भट्टराईले साझेदारी दैनिकलाई जानकारी दिए ।
क्लव द्वारा सञ्चालित सहयात्रा परियोजना अन्तर्गत विद्यार्थीहरुकालागि सो सामाग्री दिइएको हो ।
संस्थाले विभिन्न सहयोग गर्ने क्रममा दृष्टिबिहिन एवं सुस्त श्रवण शक्ति भएका विद्यार्थी अरुणकुमार चौधरीलाई हिएयरिङ एड प्रदान गरेको प्रअ भट्टराईले जनाए।
विद्यालयमा अध्ययनरत बारागढी गाउँपालिका १ का विद्यार्थी चौधरीलाई सो सामाग्री हस्तान्तरण गरिएको हो ।
प्रेरणा नेपालका अपाङ्गता तथा समावेशीकरण संयोजक राजु लामाले विद्यालयमा आएर सो यन्त्र चौधरीलाई हस्तान्तरण गरेका थिए ।
उक्त सामाग्री वितरण कार्याक्रममा विद्यालयका प्रधानाध्यापक भट्टराई, सहायक प्रधानाध्यापक पंकज विश्वकर्मा, दृष्टिविहीन श्रोत शिक्षक प्रीति साह, लगायतको उपस्थिति रहेको थियो ।
चौधरी नेरामावि डुमरवानाको दृष्टिविहीन छात्राबासमा बसेर चौधरी कक्षा ५ मा अध्ययनरत रहेका छन् । यस यन्त्रले चौधरीलाई अध्ययन गर्न सहयोग पुग्ने छ ।
