जीतपुरसिमरा उपमहानगरपालिका वडा नं. ११ खैर्वा खेल मैदानमा आइतबार देखि सुरु भएको थारु माघी (तिला संक्रान्त) संस्कृति महोत्सव सोमबार सम्पन्न भएको छ ।
महोत्सवमा झुमरा,झुमटा,पुर्वी,लगनी,विरहनी,सोहर गीत, हरफरौरी,सामाचकेवा,घाटो,जाट जाटीन,स्टिक र ठकारा जस्ता परम्परागत नृत्य प्रस्तुत गरिएको आयोजक समितिका अध्यक्ष अनिल चौधरीले जानकारी दिए ।
महोत्सवमा थारु कलाकार खेम चौधरी,राजीव चौधरी,सगुन चौधरी र सुनिल विश्वकर्माले आप्mनो कलाको प्रस्तुति गरेका थिए ।
कार्यक्रमको कुल अनुमानित लागत आठ लाख पाँच हजार रहेको अध्यक्ष चौधरीले बताए ।
जीतपुरसिमरा उपमहानगरपालिका वडा नं. ११ को कार्यालयको मुख्य सहयोग र थारु कल्याणकारिणी सभाको संरक्षकत्वमा सो महोत्सव आयोजना भएको हो । समापन कार्यक्रममा बिभिन्न ब्यक्तित्वहरुलाई मायाको चिनोले जीतपुरसिमरा उपमहानगरपालिकाको नगर प्रमुख राजन पौडेलले सम्मान गरेका थिए ।
महोत्सवमा आयोजना गरिएको साँस्कृतिक नृत्य प्रतियोगितामा प्रथम,द्धितीय र तृतीय हुनेहरुलाई पुरस्कृत गरिएको आयोजक समितिका दिपनारायण रायले साझेदारी दैनिकलाई जानकारी दिए ।
