शहरी गरीबी निवारण मञ्चले आफ्नो १२ औं वार्षिकोत्सबको अवसरमा कलैया उपमहानगरपालिका वडा नम्बर १४ मा रहेको जितपुर भुलाहवामा नव निर्मित एकीकृत बस्तीमा वृक्षारोपण गरेको छ ।
मञ्चले ३४ परिवार थवई जाति र अन्य अति विपन्न परिवारको लागि निर्माण गरिएको बस्तीलाई हराभरा र सुन्दर बनाउनको लागि अशोकको वृक्षारोपण गरेको हो ।
उक्त एकीकृत थवई बस्ती लुमन्ती आवासको लागि सहयोग समूह र कलैया उपमहानगरपालिकाको सहयोगमा निर्माण भएको हो । केही दिन अघि मात्रै कलैया उपमहानगरपालिकाका नगर प्रमुख बिनोद साहले वस्तिको उद्घाटन गरेका थिए ।
२०६८ पौष २९ गते जिल्ला प्रशासन कार्यालय बारा र समाज कल्याण परिषदमा दर्ता भई बिगत १२ बर्षदेखी बारामा स्थानीय सरकारी तथा गैरसरकारी संस्था र अन्तर्राष्ट्रिय संस्थाको सहयोग र सहकार्यमा बिभिन्न किसिमको कार्यक्रम संचालन गर्दै आइहेको छ ।
१२ औं वर्ष सम्ममा पुर्याएका सहयोगी हात जस्तै लुमन्ती आवासको लागि सहयोग समूह,कलैया उपमहानगरपालिका, सेलाभिप फाउन्डेसन,दिपशिखा महिला सहकारी,बारा उधोग वाणिज्य संघ र घरेलु तथा साना उधोग कार्यालयलाई विशेष धन्यवाद मंचका पदाधिकारीहरुले दिएका छन् ।
मञ्चले आफ्नो पदाधिकारीको साथ शुभकामना आदानप्रदान गरेको हो ।
