दुई जना फरार प्रतिवादीलाई बारा प्रहरीले नियन्त्रणमा लिएको छ ।
जिल्ला प्रहरी कार्यालय बाराका प्रवक्ता एवम् प्रहरी नायब उपरीक्षक दधिराम न्यौपानेले बुधबार एक प्रेस विज्ञप्ति जारी गर्दै यसबारे जानकारी दिएका हुन् ।
लागू औषध मुद्दामा अदालतबाट २ महिना २५ दिन कैद र १५ हजार रुपैया जरिवाना पाएका बाराको सिम्रौनगढ नगरपालिका वडा नं. ०७ खजानीमा बस्ने २९ वर्षीय पप्पु कुमार कुशवाहालाई पक्राउ गरी प्रहरीले अदालतमा दाखेल गरेको छ ।
त्यस्तै चेक अनादर मुद्दामा अदालतबाट १ महिना कैद र ३ हजार रुपैया जरिवाना पाएका परवानीपुर गाँउपालिका वडा नं.०३ लिपनीमालमा बस्ने ३० वर्षीय सर्वेश कुमार यादव पक्राउ परेका हुन् ।
