८१ लाख ५६ हजार ९४३ बराबरको बिल बिजक भन्दा बढी हार्डवेयर तथा खुद्रा सामानहरु लोड रहेको ट्रक पर्सा प्रहरीले नियन्त्रणमा लिएको छ ।
वीरगञ्जबाट काठमाण्डौतर्फ जाँदै गरेको ना.५ ख ३०२८ नम्बरको ट्रकलाई प्रहरीले नियन्त्रणमा लिएको हो ।
वीरगञ्ज महानगरपालिका–२१ हनुमान चोक स्थित सडकखण्डमा रोकेर प्रहरीले ट्रकको जाँच गरेको थियो ।
जाँचको क्रममा उक्त ट्रकमा लोड रहेको हार्डवेयर तथा खुद्रा सामानहरुको बिल बिजक संकास्पद देखिएको थियो ।
सामानसहित ट्रकलाई नियन्त्रणमा लिई थप अनुसन्धान तथा आवश्यक कारवाहीको लागि राजश्व अनुसन्धान कार्यालय पथलैया,बारामा बुझाइएको पर्साका प्रहरी प्रबक्ता डिएसपी कुमार बिक्रम थापाले साझेदारी दैनिकलाई जानकारी दिए ।
