बाराको प्रसौनी गाउँपालिकाको १५ औं गाउ सभामा ४५ करोड,पाँच लाख रुपैयाँ बराबरको आय व्यय प्रस्तुत गरिएको छ ।
गाउँ सभामा गाउँपालिकाका अध्यक्ष विनोद जैसवालले आर्थिक वर्ष ०८१÷०८२ को वार्षिक नीति तथा कार्यक्रम र बजेट शुक्रबार प्रस्तुत गरेका हुन् ।
बजेटमा नेपाल सरकारको समानिकरण अनुदान १० करोड सात लाख आयको अनुमान गरिएको छ । सशर्त अनुदान १५ करोड,१५ लाख ६२ हजार रुपैयाँ अनुदान प्रक्षेपण गरिएको छ ।
विशेष अनुदान दुई करोड २० लाखको प्रक्षेपण गरिएको छ । समपुरक एक करोड ९५ लाखको अनुमान गरिएको छ । राजश्व बाँडफाँड अन्तर्गत सात करोड ७९ लाख प्राप्त हुने प्रक्षेपण गरिएको छ ।
प्रदेश सरकारको समानिकरण अनुदान ८५ लाखको अनुमान गरिएको छ । सशर्त अनुदान ५० लाख रुपैयाँ रहेको छ । विशेष अनुदान ३० लाख प्राप्त हुने अनुमान गरिएको छ ।
समपुरक अनुदान २० लाख रुपैयाँ प्रक्षेपण गरिएको छ । राजश्व बाँडफाँडमा ५० लाख रुपैयाँ र गत आर्थिक वर्ष मौज्दात समेत आन्तरिक राजश्व तीन करोड रुपैयाँ प्रक्षेपण गरिएको छ ।
अन्य आय(अनुदान फिर्ता,गत विगतको दाखिल गर्न बाँकी कर दायित्व समेत) चार करोड,५३ लाख ३८ हजार रुपैयाँ प्रक्षेपण गरिएको छ । गाउँपालिकाको आर्थिक विकासगर्ने नीति गाउँपालिकाले अघि सारेको हो ।
यस्तै सामाजिक क्षेत्र,भौतिक पूर्वाधार विकास सम्बन्धी नीति गाउँपालिका अध्यक्ष जैसवालले सो कार्यक्रममा प्रस्तुत गरेका हुन् ।
यस्तै सिचाई,वन,वातावरण,जलवायु,परिवर्तन तथा विपद् व्यवस्थापन सम्बन्धी नीतिलाई उनले प्रस्तुत गरेका हुन् ।सुशासन तथा संस्थागत विकास सम्बन्धी नीति उनले अघि सारेका हुन् ।
उद्योग तथा पर्यटन, कृषि तथा पशुपंक्षी,सहकारी,जलश्रोत तथा सिचाई,वन,वाणिज्य,तथा सामाजिक विकास सम्बन्धी नीति उनले प्रस्तुत गरेका हुन् ।
यूवा तथा खेलकुद,लैंगिक समानता र सामाजिक समावेशीकरण, सवास्थ्य,खानेपानी तथा सरसफाई,भाषा तथा संस्कृति,भौतिक पूर्वाधार विकास सम्बन्धी नीति तथा कार्यक्रम,भवन तथा शहरी विकास, सूचना तथा सञ्चार सम्बन्धी नीति जैसवालले प्रस्तुत गरेका हुन् ।
न्याय,कानून तथा मानव अधिकार प्रवद्र्धन सम्बन्धी नीति तथा कार्यक्रम समेत उनले प्रस्तुत गरेका हुन् । सूशासन,सार्वजनिक सेवा, तथा क्षमता विकास सम्बन्धी नीति तथा कार्यक्रम सो अवसरमा प्रस्तुत गरिएको हो ।
जलवायु परिवर्तन अनुकुलन÷न्यूनिकरण तथा विपद व्यवस्थापन सम्बन्धी नीति तथा कार्यक्रम उनले प्रस्तुत गरेका हुन् । यस्तै राजश्व तथा आन्तरिक श्रोत परिचालन सम्बन्धी उनले नीति प्रस्तुत गरेका हुन् ।
सम्बृद्ध प्रसौनी पालिका सुखी प्रसौनी पालिकावासी भन्ने मूल नीति प्रसौनी गाउँपालिकाको रहेको छ । सो कार्यक्रममा गाउँपालिकाकी उपाध्यक्ष किरण देवीको विशेष उपस्थिति रहेको थियो ।
प्रसौनी गाउँपालिकामा वडा अध्यक्षहरु ललबाबु मुखिया,हिरदयकुमार साह,तेली,छोटालाल प्रसाद कानु याकुब अन्सारी,सन्तोषकुमार साह, वृजकिशोर कुशवाहा,ईस्लाम मिया रहेका छन् ।
गाउँपालिकाको कार्यपालिका सदस्य सुनैनादेवी कलवारिन्,लालमुनी देवी तत्मा,चिन्ता देवी,अनिता कुमारी साह,शिवजीकुमार कलवार, राजहरणप्रसाद साह रहेका छन् ।
कार्यक्रमको सञ्चालन सन्तोष साह रौनियार तथा स्वागत प्रमुख प्रशासकीय अधिकृत सुमित कुमारको रहेको थियो ।
