शिक्षा क्षेत्रलाई नै धरासाही बनाउने गरि विभिन्न निणर्य गरिएको भन्दै बाराको जीतपुरसिमरा उपमहानगरपालिकाको नगर शिक्षा समितिले गरेको निर्णय प्रति नगरका शैक्षिक व्यक्तित्व एवम् सरोकारवालाहरुले प्रश्न उठाएका छन ।
नगरशिक्षा समितिले गरेको निणर्य त्रुटिपूर्ण रहेको डुमरवाना बहुमुखी कलेजका अध्यक्ष अनिल मैनालीले एक कार्यक्रममा बोल्दै आरोप लगाएका छन ।
३८ बर्ष लामो समय शिक्षण पेशामा रहेका मैनालीले जेष्ठ ७ गते सोमबार बसेको नगर शिक्षा समितिले नगर भरिका विद्यालयहरूलाई( मर्ज ) समायोजन र विद्यालय तह घटुवा गरेको प्रति चिन्ता र आक्रोश पोख्दै यस्तो भनेका हुन ।
उनले शैक्षिक सत्रको दोश्रो महिना बितेको अवस्थामा विद्यार्थीहरूकको नैसर्गिक अधिकारमाथी हनन् भएकाले यस्तो निर्णय तुरुन्त सच्याउदै विद्यार्थीको मौलिक हकलाई सुरक्षित गरिदिन अनुरोध गरे ।
नेपालको संविधानले नेपाली नागरिकको शिक्षा,स्वास्थ्यको ग्यारेन्टी गरेकोमा नगर शिक्षा समितिले अनेक बहाना र राजनीतिक प्रतिशोधका कारण विधार्थीहरूको भविष्य माथी खेलवाड गरेकाले सच्चाउन आग्रह गरे ।
निवर्तमान वडा अध्यक्ष केदारनाथ बजगाईले बोल्ने क्रममा साबिक डुमरवाना गाउँ विकास समिति वडा नं ७ हाल जीतपुर सिमरा उमनपा १६ स्वाभिमान बस्ति( कतर्वा) मा रहेको यस भेगकै पुरानो विद्यालयको ईतिहास नै नबुझी तह घटुवा गर्दा सबैको मान मर्दन भएकाले यसलाई सच्याउन अनुरोध गरे ।
अहिलेको परिप्रेक्ष्यमा श्री नेपाल राष्ट्रिय आधारभुत विद्यालय कतर्वामा दलित समुदाय र आदिवासी चौधरी समुदायका विद्यार्थीहरू अध्ययन गर्ने हुनाले निर्णय सच्चाउन आग्रह गरे ।
हाल सो विद्यालयमा कक्षा ८ मा १० जना विद्यार्थी अध्ययनरत छन ।यदि निर्णय नसच्चाए दलित र आदिबासीहरूको भविष्यमाथी नै खेलवाड हुने बताए । नगर शिक्षा समितिले गरेको निर्णय पुर्वाग्रही र राजनैतिक रिसिवी साध्ने काम हो कि भन्नेतर्फ पनि सोच्न बाध्य भएको बताए ।
छलफल कार्यक्रमको प्रमुख अतिथि १६ नंम्वरका बडा अध्यक्ष हरिदेव खरेलले विद्यालयको शैक्षिक गुणस्तर नै माथी उस्कन नसकेकाले मेयर साबको निर्देशनमा घटुवाको निर्णय गरेको जानकारी दिए । वडा अध्यक्षले जति बोले त्यतिनै समय मेयरले गर्दा यस्तो भएको र शिक्षा गुणस्तरीय नभएको मात्रै दोहोर्याए ।
छलफल कार्यक्रमको अध्यक्षता गरेका गंगाप्रसाद मैनाली लामोसमय शिक्षण पेशामा रहेर हालै मात्र रिटायर्ड हुनुभएका अनुभवि ब्यवस्थापन समितिका अध्यक्ष हुन ।
उनी विधालय ब्यवस्थापन समितिको अध्यक्ष भएदेखि केही सुधारका कामहरू भए पनि आफुले सोचे जस्तो नभएको दुखेसो पोखे । शुरू शुरूमा राम्रो लयमा जाँदै गरेको विद्यालयमा विधार्थीको संख्या पनि बढाउन सफल भए ।
तर शिक्षक साथीहरूले असहयोग गरेकै कारण आजको दिन आउन होस्टेमा हैसे भएर वल मिलेको दुखेसो पोखे । जे जस्तो भए पनि म पनि शिक्षण पेशाबाट आएको हुँ,मैले पनि लामो समय प्रध्यानापक भएर काम गरे तर जहिले पनि जिम्मेवार भएर गरे तर अहिले त्यस्तो भएन ।
जो जो जे जे भए पनि आजको दिन ( विद्यालय घटुवा हुनुमा) वडा अध्यक्ष एवं नगर शिक्षा समितिका सदश्य हरिदेव खरेलले नै जिम्मेवारी लिनु पर्नेमा जोड दिए ।
आज विद्यालय घटुवा भएको छ अवको २–३ वर्षमा विद्यालयनै समायोजन(मर्ज) हुन्छ अनि वोडिङ( संस्थागत) हरूमा विधार्थी लाने परिपञ्च रचिदै छ उहाले आक्रेश पुर्ण दुखेसो पोखे । सामुदायिक विद्यालय र संस्थागत विद्यालयलाई अनुमति दिने नीतिनै दोधारे रहेका कारण आजको परिस्थिति सृजना भएको हो ।
संस्थागत विद्यालयलाई विद्यार्थीको संख्या जति भएपनि हुने तर सामुदायिक विद्यालयलाई निश्चित संख्याहुने प्रावधानका कारण संस्थागत विद्यालय मौलाउदै र सामुदायिक विद्यालय सुक्दै गएको बताए ।
छलफल कार्यक्रममा विद्यालयका शिक्षक उदयराज मैनालीले सहजिकरण गरेका थिए भने शिक्षिका शशि खरेलले प्रतिबद्धता गरेका थिए ।
