कलैया । पर्सामा एक महिलाको शङ्कास्पद अवस्थामा शव फेला परेको छ।
वीरगञ्ज महानगरपालिका – १६ नगवास्थित प्रहरी चौकी नगवाको नजिकै आज बिहान एक जना महिलाको शङ्कास्पद अवस्थामा शव फेला परेको प्रहरीले जनाएको छ।
मृतक महिला वीरगञ्ज महानगरपालिका – ४ नर्सिङ क्याम्पस क्षेत्रमा बसोबास गर्ने अंसिया अग्रवाल रहेको जिल्ला प्रहरी कार्यालय पर्साले पुष्टि गरेको छ ।
प्रारम्भिक अनुसन्धानका क्रममा महिलाको कानको छेउमा र औलाहरूमा चोटपटक लागेको देखिएको छ ।
मृतकको शव वीरगञ्जस्थित नारायणी अस्पतालमा पोस्टमार्टमका लागि पठाइएको छ ।
