संदिप प्रसाद यादव
बारामा फेरी एक युवकको हत्या भएको छ । बाराको पचरौतामा मंगलवार दिउसो एक युवकको गोली हानी हत्या भएको छ ।
अपरिचित समुहको गोली प्रहारबाट बाराको पचरौता नगरपालिका वार्ड नं ६ पकडिया स्थित लक्ष्मीनिया पोखरीको डिल नजिकै ती युवकको मृत्यु भएको अवस्थामा शव फेला परेको छ ।
पचरौतामा घटनास्थलमा तालिमप्राप्त कुकुर ल्याएर घटनाबारे थप अनुसन्धान भइरहेको प्रहरीले जनाएको छ ।
भारतबाट दुईवटा मोटरसाइकलमा आएका युवाहरूको समूहले भारत दारपा थानाअन्तर्गत सुकलैयाका २२ वर्षीय अजितकुमार सिंहको हत्या गरेको प्रहरीको प्रारम्भिक अनुसन्धानमा खुलेको छ ।
मृतक अजित कुमार सिंहसँगै भारतको मोतिहारी जिल्ला,दर्पा थाना-१ सुक्लहिया बस्ने वर्ष २५ को सुजित कुमार सिंह लगाएत सोही ठाउँमा बस्ने वर्ष २४ को चञ्चल पाञ्डे,वर्ष २२ को मनिष कुमार सहनी र वर्ष २० को कामेश्वर सहनी दुईवटा नयाँ मोटरसाईकलमा नेपाल प्रवेश गरेका थिए ।
सँगै एउटै बाईकमा पछाडि बसेका सुजित कुमार सिंहले मृतक अजित कुमार सिंहलाई पछाडिबाट गोली प्रहार गरी हत्या गरी सोही नयाँ मोटरसाईकलमा भारततर्फ भागेका थिए ।
घट्नास्थलबाट एक थान गोलि र एक थान गोलिको खोका बरामद गरिएको छ ।
उक्त घट्नास्थलको सम्पुर्ण प्रारम्भिक अनुसन्धानको कार्य पश्चात शव पोष्टमार्टमको लागि नारायणी अस्पताल विरगञ्ज पठाईएको जिल्ला प्रहरी कार्यालय बाराका प्रबक्ता एवम् डिएसपी दधिराम न्यौपानेले बताएका ।
घटनाबारे थप अनुसन्धान कार्य भई रहेको प्रवक्ता न्यौपानेले बताएका छन् ।
यसैगरी सोमवार पनि पचरौता नगरपालिका वडा नम्बर १ पिपरपाती बस्ने ३३ वर्षीय अमरेश कुमार सिंहको धारिलो हतियार प्रहार गरी हत्या भएको थियो । सशस्त्र प्रहरीका पुर्व जवान समेत रहेका सिंहको भारतीय सिमा दशगजा क्षेत्र नजिकै शव फेला परेको थियो ।
दैनिक रुपमा हत्याका घटनाहरु हुन थालेपछि बाराको सुरक्षा चुनौती बढ्ेको छ । एकै पालिकामा दुई दिनमा दुई वटा हत्याका घटना भएपछि अहिले समग्र जिल्लाकै सुरक्षा अवस्था खस्कीएको आम जिल्लावासीले महशुस गरेका छन ।
