वीरगञ्ज युनाइटेड फुटबल क्लब निजगढको रतनपुरमा जारी दोस्रो वडा अध्यक्ष कप फुटबल प्रतियोगिताको सेमिफाइनलमा प्रवेश गरेको छ ।
उसले श्री नेपाल राष्ट्रिय माध्यमिक बिद्यालय रतनपुरको खेल मैदानमा शुक्रबार सम्पन्न खेलमा सर्लाहीको एभरेस्ट एकेडेमीलाई २–१ गोल अन्तरले पराजित गरेको हो ।
वीरगञ्जको जितमा खेलको ३४ औं मिनेटमा विवेक चौधरीले फ्रीकिक मार्फत गोल गर्दै टोलिलाई सुरुवाती अग्रता दिलाएकाथिए ।
४२ औ मिनेटमा सर्लाहीले प्राप्त गरेको पेनाल्टी मार्फत समिल लामाले गोल गर्दै खेललाई १–१ गोलको बराबरीमा फर्काएकाथिए ।
वीरगञ्जका विकास दर्लामीले ८१ औं मिनेटमा बिजयी गोल गर्दै वीरगञ्जलाई २–१ को जित दिलाए । खेलको प्लेयर अफ द म्याच वीरगञ्ज युनाइटेडका बिकास चौधरी घोषित भए ।
प्रतियोगिता अन्तर्गत शनिबार आयोजक रतनपुर युनाइटेड युथ क्लब र नेपाली सेनाको सबुज गण आधाभार बारा बिच प्रतिस्पर्धा हुनेछ ।
प्रतियोगिताको बिजेताले एक लाख रुपैयाँ प्राप्त गर्नेछ । उपबिजेता टोलिले ५० हजार रुपैयाँ प्राप्त गर्नेछ ।
