बारा प्रहरीले दुई जना बालकहरुलाई उद्धार गरि परिवारजनको जिम्मा लगाएको छ ।
ईलाका प्रहरी कार्यालय कवहीबाट खटिएको प्रहरी टोलीले बाराको सुवर्ण गाँउपालिका वडा नं.२ घुसुकपुर टोल स्थित बेवारिसे अवस्थाबाट दुई बालकलाई फेला पारेर उनीहरुको उद्दार गरी परिवारजनको जिम्मा लगाइएको हो ।
उद्दार गरीएको बालक भारतको विहार राज्यको जिल्ला मोतिहारी बस्ने ४३ वर्ष की सुगन्धी देवी साहको छोरा अन्दाजी ५ वर्षीय अंकित कुमार साह रहेको प्रहरीले जनाएको छ ।
त्यस्तै सोही ठाँउमा बस्ने वर्ष २१ की काजल देवी साहको छोरा अन्दाजी ३ वर्षीय बजरंगी कुमार साह रहेको जिल्ला प्रहरी कार्यालय बाराका प्रवक्ता एवम् प्रहरी नायब उपरीक्षक दधिराम न्यौपानेले जानकारी दिएका हुन् ।
