सामुदायिक बिद्यालयमा माध्यमिक तहको शिक्षा निशुल्क भनिए पनि करैयामाई गाउँपालिकाको एक बिद्यालयले चन्दा नदिएको भन्दै बिद्यार्थीलाई परिक्षाबाट बञ्चित गराएको छ ।
करैयामाई गाउँपालिका वडा नम्बर ५ स्थित श्री नेपाल राष्ट्रिय आधारभुत बिद्यालय तेतरीयाले बिद्यार्थीलाई परिक्षाबाट बञ्चित गराउँने कार्य गरेको हो ।
उक्त बिद्यालयमा कक्षा ६ मा अध्ययनरत बिद्यार्थी अमन सहनीले रु १ सय रुपैया परिक्षा शुल्क बापत नदिएको भन्दै बिद्यालयका प्रधानध्यापक महेन्द्र रामले बिद्यार्थीलाई परिक्षाबाट बञ्चित गराएको अभिभावक महेन्द्र सहनीले गुनासो गरेका छन् ।
उनले यसका बिरुद्ध करैयामाई गाउँपालिका र शिक्षा समन्वय ईकाई कलैयामा निबेदन दिएका छन् । तर अहिलेसम्म पनि कसैले पनि बिद्यालय तथा प्र.अ.लाई कारवाही नगरेको भन्दै अभिभावक सहनीले दुखेसो ब्यक्त गरे । परिक्षा शुल्क बापत रु १ सय लिने तर बिल दिने बेलामा चन्दा सहयोग शुल्क देखाउँनु गलत भएको उनले तर्क छ ।
नेपालमा विद्यालय शिक्षा अनिवार्य तथा निःशुल्क छ । नेपालको संविधानले नै माध्यमिक तहसम्मको शिक्षालाई अनिवार्य र निःशुल्क हुनुपर्ने भनेको छ । त्यही अनुसार बनेको ‘अनिवार्य तथा निःशुल्क शिक्षा सम्बन्धि ऐन, २०७५’ ले समेत कक्षा १२ सम्मको शिक्षा निःशुल्क भनेको छ ।
तर विद्यालय शिक्षाका लागि नै विभिन्न बाहनामा शुल्क तिर्न विद्यार्थी र अभिभावक बाध्य छन् । यसरी लिने सहयोगलाई विद्यालयहरूले चलाखीपूर्ण तरिकाले शुल्क नभनेर चन्दा तथा सहयोग भनेका छन् । जबकी कानुनले विद्यार्थीलाई विद्यालयमा पढाएवापत कुनै पनि बाहनामा पैसा नलिन भनेको छ । यधपी यो विषयमा प्रअ रामसंग सम्र्पक गर्ने प्रयास गरेपनि सम्र्पक हुन सकेन ।
