आर्थिक बर्ष ०७९/८० मा ट्राफिक प्रहरी पर्साले सवारी साधनहरुको कारवाहीबाट कुल तीन करोड ४२ लाख ६५ हजार राजश्व सँकलन गर्न सफल भएको छ । गत आर्थिक बर्षमा ट्राफिक प्रहरी पर्साले भने राजश्व सँकलनमा बृद्धि गरेको छ ।
आर्थिक बर्ष ०७८/७९ को तुलनामा ं२१ प्रतिशतले बढी हो । आ.व.०७८/७९ मा भने ट्राफिक प्रहरी कार्यालय पर्साले भने २ करोड ८५ लाख २१ हजार ५ सय मात्रै राजश्व सँकलन गरेको थियो ।
यसैगरि जिल्ला भरिमा बितेको आर्थिक बर्षमा भएका ३ सय ४७ वटा सवारी दुर्घटना माध्ये ३९ जनाले ज्यान गुमाएका छन ।
जिल्ला ट्राफिक प्रहरी कार्यालय पर्साले दिएको तथ्याँक अनुसार यस अवधिमा भएको सवारी दुर्घटनामा परि ९२ जना गम्भिर घाईते भएका छन भने चार सय १ जना समान्य घाईते भएको ट्राफिक प्रहरी पर्साले जानकारी दिएको छ ।
आर्थिक बर्ष ०७८/७९ मा भने २ सय ६० वटा सवारी दुर्घटना पर्सामा भएकोमा त्यसमा ३८ जनाले ज्यान गुमाएका थिए भने ७२ जना गम्भिर घाईते र ३ सय ७ जना घाईते भएका थिए ।
गत आर्थिक बर्षमा सवारी दुर्घटना न्युनिकरणको लागि ट्राफिक प्रहरी कार्यालय पर्साले चार सय ४८ वटा जनचेतनामुलक कार्यक्रमहरु गरेको छ । यी कार्यक्रमहरुमा ६३ हजार २ सय ३८ जनाले सहभागिता जनाएको ट्राफिक प्रहरी पर्साले दिएको बार्षिक तथ्याँकमा उल्लेख छ ।
दुर्घटना न्युनिकरणको लागि निरन्तर रुपमा जनचेतनामुलक कार्यक्रमहरुको आयोजना गर्दै आएको ट्राफिक प्रहरी कार्यालय पर्साका प्रमुख प्रहरी निरिक्षक मणिराम थापाले जानकारी दिए । जिल्लाको सदरमुकाम वीरगञ्ज महानगरपालिकासँगै ग्रामीण भेगका पालिका तथा बिधालयहरुमा समेत दुर्घटना न्युनिकरण र यसबाट हुने क्षतिको बारेमा जन सहभागिता गराई जनचेतनामुलक कार्यक्रमको आयोजना गर्दै आएको उनको भनाई छ ।
