लागू औषध दुरुपयोग तथा अवैध ओसारपसार विरुद्ध अन्तर्राष्ट्रिय दिवसको अवसारमा कलैयामा प्रभात फेरी कार्यक्रम सम्पन्न भएको छ ।
जिल्ला प्रशासन कार्यालय बारा,जिल्ला प्रहरी कार्यालय बारा र समाज सेवा सुधार युवा नेपाल कलैयाको संयुक्त आयोजनामा लागू औषध दुरुपयोग र अवैध ओसारपोसार बिरुद्ध अन्तर्राष्ट्रिय दिवसको अवसारमा कलैयामा बुधबार प्रभात फेरी कार्यक्रम सम्पन्न भएको हो ।
लागू औषध दुरुपयोग तथा अवैध ओसारपोसार बिरुद्ध अन्तर्राष्ट्रिय दिवसको अवसारमा लागु औषध सम्बन्धी सचेतनामुलक ¥याली कार्यक्रम जिल्लाको कलैया उप–महानगरपालिका वडा नम्बर १ भरत चोकबाट सुरु भई बजार एरियामा परिक्रमा गरी भरत चोकमा कोणसभामा परिणत भएको थियोे ।
लागु औषध दुरुपयोग विरुद्ध लडौं,रोकथाममा जोड दिऔं मूल नाराका साथ उक्त कार्यक्रम सम्पन्न भएको हो ।
जिल्ला प्रशासन कार्यालय बाराका प्रमुख जिल्ला अधिकारी शशिधर घिमिरेको प्रमुख आतिथ्यतामा उक्त प्रभात फेरि कार्यक्रम भएको थियोे ।
उक्त कार्यक्रममा प्रहरी कार्यालय बाराका प्रमुख प्रहरी उपरीक्षक महेन्द्र खड्का,सशस्त्र प्रहरी उपरीक्षक संतोष बहादुर सिंह र राष्ट्रिय अनुसन्धानका उप–अनुसन्धान निर्देशक दिपक खड्का, नेपाली कांग्रेस पार्टीका जिल्ला सचिव राजेश रौनियार,अन्तर्राष्ट्रिय कव्डी खेलाडी फुलमहम्द मंसुर, स्थानीय सर्वसधारण,जनप्रतिनिधि,भद्रभलादमी,बुद्धिजिवी,समाजसेवी,विभिन्न संघ संस्था,संचारकर्मी,सुरक्षाकर्मी विद्यालयका शिक्षक तथा विद्यार्थीहरू समेत गरी अन्दाजी ४ सय जनाको सहभागितामा रहेको प्रहरीले जनाएको छ ।
