रञ्जन यादब/
आन्तरिक राजस्व कार्यलय सिमराले कर शिक्षा दिने उदेश्यले ब्यवसायिहरुसँग अन्तरक्रिया गरेको छ ।
जितपुरसिमरा नगर उद्योग बाणिज्य संघ र जितपुरसिमरा चेम्बर अफ कमर्सको सहकार्यमा करदाता सँग अन्तरक्रिया कार्यक्रम सम्पन्न भएको हो ।
केहिदिन अघि राजस्व कार्यालय सिमराले बजारका व्यापारीलाई अनुगमनका नाममा अनावश्यक दुख दिएको भन्दै व्यवसायी रुष्ट बनेका थिए ।
जीतपुरसिमर नगर उधोग वाणिज्य संघका अध्यक्ष मोहन शर्मा लामिछानेको नेतृत्वमा व्यवसायीहरु कर कार्यालय पुगि सो बारेको गुनासो समेत गरेका थिए ।
अनुगमनका नाममा अनावश्यक जरिवाना लिएको भन्दै आक्रोशित बनेका स्थानिय व्यवसायीलाई कर कार्यालयले कर शिक्षा कार्यक्रम मार्फत सचेतना दिने र सकेसम्म पहिलो पटकमै जरिवाना असुल्ने कार्य नगर्ने भन्दै यो कार्यक्रमको आयोजना गरेको हो ।
स्थानिय कतिपय व्यवसायीहरु कर प्रणालीबारे जानकारी नभएका कारण कर शिक्षालाई नगरका विभिन्न स्थानमा संचालन गरिने तयारी भएको नगर उद्योग बाणिज्य संघका अध्यक्ष लामिछानेले बताए ।
