वीरगञ्जबाट नियन्त्रित लागु औषध सहित दुई जनालाई पर्सा प्रहरीले पक्राउ गरेको छ ।
प्रहरीले बाराको जितपुर सिमरा उपमहानगरपालिका–७ बस्ने २५ वर्षीय सुरजसाह कलवार र सोही स्थानका २० वर्षीय सलमान अन्सारीलाई पक्राउ गरेको हो ।
वीरगञ्ज महानगरपालिका–२५ खल्वा टोलबाट पैदल हिडिरहेका दुबै जनाले लगाएको जुत्ता र शरिरबाट लागु औषध बरामद भएको हो ।
उनीहरुबाट नाइट्राभेट ३८ पत्तामा पाँच सय ७० पिस ट्याब्लेट फेला परेको पर्साका प्रहरी प्रबक्ता डिएसपी दिपक भारतीले जानकारी दिए ।
पक्राउ परेका लागु औषध सम्बन्धी कसूरमा थप अनुसन्धान कार्य भैरहेको उनले बताए ।
