नेपाल पत्रकार महासंघका संस्थापक अध्यक्षको विषयलाई लिएर नेपाल आदिवासी जनजाति पत्रकार महासंघ बाराले बुधबार स्मरणपत्र तथा अल्टिमेटम दिएको छ ।
नेपाल पत्रकार महासंघ बारा शाखा मार्फत केन्द्रीय समितिलाई सात दिने अल्टिमेटम तथा स्मरण पत्र हस्तान्तरण गरेको हो ।
फोनिज बाराका अध्यक्ष जियालाल चौधरीको नेतृत्वमा गएको टोलीले नेपाल पत्रकार महासंघ बाराका उपाध्यक्ष रामबाबु मेहता, सचिव अनिलकुमार गौरव र सहसचिव दुष्यन्त चौधरीलाई ज्ञापनपत्र दिएको हो ।
अल्टिमेटम तथा स्मरण पत्र बुझाउने क्रममा फोनिज बाराका सल्लाहकार तथा अग्रज पत्रकार सत्य प्रकाश श्रेष्ठ ,फोनिज बाराका सचिव धिरेन्द्र पनुहर, बिनिता चौधरी , जितेन्द्र चौधरी लगायतको उपस्थितिमा स्मरणपत्र तथा चेतावनी दिइएको हो ।
फोनिजले लामो समय देखि नेपाल आदिवासी जनजाती पत्रकार महासंघले उठान गर्दै आएको विषयमा नेपाल पत्रकार महासंघले गम्भीरताका साथ नलिएको भन्दै . नेपाल पत्रकार महासंघको संस्थापक अध्यक्षको गलत इतिहासलाई हालसम्म नसच्याएकाले गलत इतिहास सच्याउन माग गर्दै आएको छ ।
तत्कालीन ‘नेपाल पत्रकार संघ पहिलो पटक संगठित गर्ने व्यक्ति सत्यनारायण बहादुर श्रेष्ठ हुन् ।
अकाट्य तथ्यहरूका आधारमा हाल नेपाल पत्रकार महासंघ तत्कालीन नेपाल पत्रकार संघको संस्थापक सभापति श्रेष्ठ भएपनि महासंघले कृष्णप्रसाद उपाध्याय भट्टराईलाई संस्थापक सभापति भन्दै आएको छ । यसलाई सच्चाउन फोनिजले माग गरेको हो ।
