बारा प्रहरीले २६ लाख २९ हजार बराबरको अबैध सामान तथा यूरिया मल सहित ट्रकलाई नियन्त्रणमा लिएको छ ।
विशेष सूचनाको आधारमा जिल्ला प्रहरी कार्यालय बाराका मातहत तथा प्रहरी ईकाइ कार्यालयहरूबाट खटिएको प्रहरी टोलिले जिल्लाको विभिन्न स्थानमा गाडिहरूलाई रोकी जाँच गर्ने क्रममा ट्रकलाई नियन्त्रणमा लिएको हो ।
विल विजक भन्दा बढि समानको स्रोत खुलाउन नसकेको अन्दाजी मुल्य रू. २६ लाख २९ हजार ३ सय ५७ रूपैयाँ बराबरको प्रहरीले जनाएको छ ।
ईलाका प्रहरी कार्यालय अमलेखगंजबाट खटिएको प्रहरी टोलिले बाराको जीतपुर सिमरा उप–महानगरपालिका वडा नं.२१ अमलेखगंज स्थित वीरगंजबाट नारायणघाट तर्फ जादै गरेको ना.३ ख २२९ नं.को ट्रकमा लोड गरेको मोटरसाईकलको मोटर पार्टसको सामान,पेन्ट, खाद्दन्न र अन्य खुद्रा समान बरामद गरेको हो ।
उक्त ट्रकमा अन्दाजी मुल्य रू.१७ लाख ३५ हजार ४ सय १७ रूपैया बराबरको बिल भरपाई भन्दा बढि स्रोत खुलाउन नसकेको प्रहरीले जनाएको छ ।
त्यस्तै वीरगंजबाट हेटौडा तर्फ जादै गरेको ना.५ ख १३०० नं.को यात्रु बाहक बसमा लोड गरेको ४२ प्याकेट पानुपुरी,९० किलो चिनी,२ सय किलो प्याज गरी अन्दाजी मुल्य रू. २१ हजार ७ सय २० रूपैया बराबरको बिल भरपाई फरक रहेको समान प्रहरीले बरामद गरेको छ ।
प्रहरी चौकी पथलैयाबाट खटिएको प्रहरी टोलिले जिल्लाको जीतपुर सिमरा उप–महानगरपालिका वडा नं.१ पथलैया स्थित वीरगंजबाट नारायणघाट तर्फ जादै गरेको प्र.२–०३–००१ख १२१४ नं.को यात्रु बाहक बसमा लोड ग्यालेण्डरको चक्का २ कार्टुन अन्दाजी मुल्य रू.२० हजार रूपैया बराबरको बिल नरहेको प्रहरीले जनाएको छ ।
त्यस्तै वीरगंजबाट नारायणघाट तर्फ जादै गरेको प्र.२–०३–००१ख २१४७ नं.को यात्रु बाहक बसमा लोड गरेको बिभिन्न कम्पनिको ७८ पिस मोबाइलको डिस्पले अन्दाजी मुल्य रू. २ लाख ३४ हजार रूपैया बराबरको बिल भरपाई नरहेको प्रहरीले जनाएको छ ।
त्यसैगरी जीतपुर सिमरा उप–महानरपालिका वडा नं.१ पथलैया स्थित वीरगंजबाट काठमाण्डौ तर्फ जादै गरेको बा.प्र.०३–००११ ख १८०८ नं.को बसमा लोड गरेको अन्दाजी ३ सय किलोको प्याज अन्दाजी मुल्य रू.१३ हजार ८ सय रूपैया बराबरको बिल भरपाई नभएको प्रहरीले जनाएको छ ।
ईलाका प्रहरी कार्यालय प्रसौनीबाट खटिएको प्रहरी टोलिले जिल्लाको प्रसौनी गाँउपालिका वडा नं.५ गण्डक स्थित वीरगंजबाट कलैया तर्फ जादै गरेको ना ४ ख १९२ नं.को ट्रकमा लोड गरेको ५० किलोको ६ सय बोरा खाद्य (यूरिया मल) अन्दाजी मुल्य रू.५ लाख रूपैया बराबरको बिल भरपाई नभएको प्रहरीले जनाएको छ ।
ईलाका प्रहरी कार्यालय महेन्द्रआदर्शबाट खटिएको प्रहरी टोलिले बाराको आदर्शकोतवाल गाँउपालिका वडा नं.५ लौकाहा स्थित सिम्रौनगढवाट रौतहट तर्फ जादै गरेको ना.५६ प २०९२ नं. को मोटरसाइकल पछाडी लोड गरेको कारवाईट २५ किलोको १ टिना,लोटस पेन्ट १० किलो, पेन्टको वट्टा १० किलो र पलास्टिकको डोरी २९ किलो गरी अन्दाजी मुल्य रू.१७ हजार १ सय २०रूपैया बराबरको बिल भरपाई नभएको सामान प्रहरीले बरामद गरेको छ ।
त्यस्तै ईलाका प्रहरी कार्यालय जीतपुरबाट खटिएको प्रहरी टोलिले जिल्लालो जीतपुर सिमरा उप–महानरपालिका वडा नं.९ नितनपुर चौक स्थित वीरगंजबाट पथलैया तर्फ जादै गरेको ना ५ ख १७५१ नं.को यात्रु बाहक बसमा लोड गरेको गाडीहरूको पंचर बनाउने विभिन्न किसिमको सामानहरू अन्दाजी मूल्य रू.१७ हजार ३ सय रूपैयाँ बराबरको बिल भरपाई भन्दा बढि स्रोत खुलाउन नसकेको प्रहरीले जनाएको छ ।
प्रहरी चौकी बेल्दारीबाट खटिएको प्रहरी टोलिले
जिल्लाको पचरौता नगरपालिका वडा नं.२ पिपरपाती स्थित भन्सार छली गरि ल्याउदै गरेको पाईन्टको कपडा ६ थान अन्दाजी मुल्य रू. ७० हजार रूपैया बराबरको बरामद गरेको छ ।
समान सहित ट्रकलाई नियन्त्रणमा लिई आवश्यक कारवाहीको लागि राजश्व अनुसन्धान कार्यालय पथलैया बारामा पठाईएको जिल्ला प्रहरी कार्यालय बाराका प्रवक्ता एवम् प्रहरी नायब उपरीक्षक दधिराम न्यौपानेले जानकारी दिए ।
