संघीय सरकारले दिने बजेटमा विभेद गरिएको आरोप वीरगञ्ज महानगरपालिकाका प्रमुख राजेशमान सिंहले लगाएका छन्।
सार्वजनिक लेखा समितिको संसदीय टोली समक्ष प्रमुख सिंहले बिहीबार यस्तो आरोप लगाएका हुन् ।
वीरगञ्ज महानगरपालिकाले भरतपुर महानगरपालिका भन्दा पनि धेरै कम बजेट आईरहेको उनले जनाए । अगामी बजेटमा न्यायोचित बजेट विनियोजन गरिदिन उनले आग्रह गरेका छन् ।
उनले भरतपुर महानगरमा ३ सय ९० करोड र बीरगन्ज महानगरपालिकाले मात्र १ सय १५ करोड बजेट पाउनु दुखद रहेकोले सार्वजनिक लेखा समितिको ध्यानाकर्षण समेत उनले गराएका थिए ।
संघीय सासंद रामकृष्ण यादवले वीरगञ्जमाथि भैरहेको विभेद प्रति सार्वजनिक लेखा समितिले संसद् छलफल गर्ने तथा सरकारलाई लिखित निर्देशन दिने बताए ।
प्रतिनिधि सभा सार्वजनिक लेखा समिति संघीय साँसद रामकृष्ण यादवको संयोजकत्वमा सो समितिले स्थलगत अनुगमन गरेको हो । वीरगञ्ज आएको संसदीय टोलीले स्थानीय तह सित अन्तरक्रिया गरेको थियो ।
