चर्को गर्मीकाविच लगातार दुई दिन परेको बषापानीले तराईका जिल्लाहरुमा शितलताको महसुस भएको छ ।
मधेस प्रदेशका सबै जिल्लाहरुमा मंगलबार र बुधबार दुई दिन बर्षा भएको छ । मौसममा परिबर्तन भई पर्सा बारा सहित मधेसका जिल्लाहरुमा पानी परेको हो ।
अत्याधिक गर्मीका कारण निकै कष्टकर जीवन विताईरहेका तराई मधेसका जनताले मँगलबार दिउँसो बुधबार पनि दिउँसो पानी परेपछि गर्मीले यहाँका स्थानीय हरुले राहत महसुस गरेका छन् ।
बितेको चैतदेखि नै निरन्तर रुपमा मधेसका जिल्लाहरुमा गर्मी बढदै गएको थियो । तराई मधेशमा झण्डै ४२ डिग्रीभन्दा माथी तापक्रम भईसकेको थियो ।
एका बिहानैदेखि लाग्ने चर्को घामका कारण अत्याधिक गर्मी भई मानिसहरुको चहल पहल बजारमा कम भएको थियो । तर मंगलबार दिउँसो मौसम चिसो भई पानी परेपछि पर्सा बारा सहित मधेसमा आम मानिस,किसानले बासीहरुले गर्मीबाट राहत महसुस गरेकाछन् ।
पानी नपर्दा मानिस हरुले गर्मीका कारण दैनिक कामकाज समेतं गर्न पाएका थिएनन् ।बच्चा देखि युवा वृद्ध समेत गर्मीले प्रभावित भएका थिए ।
