तामागढी साकोसद्धारा रक्तदान कार्यक्रमको आयोजना

कोल्हवी,११ फागुन
बाराको कोल्हवी नगरपालिकामा रहेको तामागढी बचत तथा ऋण सहकारी संस्थाले आफ्नो १४ औं स्थापना दिवसको अवसरमा बुधवार रक्तदान कार्यक्रमको आयोजना गरिएको छ ।
सहकारी संस्थाका अध्यक्ष राजहरण चौधरीको अध्यक्षतामा सम्पन्न उक्त कार्यक्रममा ५ जना महिला र ४५ पुरुष गरि ५० जनाले रक्तदान गरेका छन । हरेक बर्ष सहकारी आफ्नो स्थापना दिवसको अवसरमा रक्तदान गरेका थिए । कार्यक्रममा सहकारी संस्थाकाखोपवा सेवाकेन्द्र प्रमुख उमेश सापकोटाले पहिलो रक्तदान गरेका थिए ।
कार्यक्रममा संस्थाका संचालक समिति, लेखा समिति, विभिन्न उपसमिति, कर्मचारी, शेयर सदस्य लगाएत विभिन्न संघ संस्था, बैक, यूवा अभियन्ताहरुले रक्तदान गरेको मुख्य प्रबन्धक बासुदेव रिमालले जानकारी दिएका छन ।