बारा । नेपाली कांग्रेसको १५ औँ महाधिवेशनको सन्दर्भमा सम्पन्न कलैया उपमहानगरपालिका–१५ को वडा अधिवेशनबाट ज्याउल हक अन्सारी वडा सभापतिमा निर्विरोध निर्वाचित भएका छन्।
अधिवेशनबाट उपाध्यक्षमा नाथु अन्सारी र मुस्लिमा खातुन (महिला), कोषाध्यक्षमा ओहाब अन्सारी, सचिवमा कृष्ण सहनी तथा सहसचिवमा योगेन्द्र महतो निर्विरोध निर्वाचित भएको जनाइएको छ। त्यसैगरी वडा सदस्य तथा क्षेत्रीय प्रतिनिधिहरूसमेत निर्विरोध चयन भएका छन्।
निर्वाचित वडा कार्यसमिति, वडा सदस्य तथा क्षेत्रीय प्रतिनिधिहरूलाई सफल कार्यकालको शुभकामना दिँदै प्रवेज अलाम अन्सारीले सबै निर्वाचित पदाधिकारीलाई बधाई दिएका छन्।
उनले निर्वाचित नेतृत्वले पार्टी संगठनलाई थप सुदृढ बनाउन र स्थानीय तहमा पार्टीका गतिविधिलाई प्रभावकारी रूपमा अघि बढाउन भूमिका खेल्ने विश्वास व्यक्त गरेको बताए।
अन्सारीले निर्विरोध निर्वाचित सम्पूर्ण पदाधिकारी, वडा सदस्य तथा क्षेत्रीय प्रतिनिधिहरूलाई हार्दिक बधाई तथा सफल कार्यकालको शुभकामना व्यक्त गरेका छन्।
