नेपोभिट उद्योगमा आगलागी,१ करोड १५ लाखको क्षती

रञ्जन यादव
रञ्जन यादव 119 पाठक संख्या
1 मिनेट पढ्न लाग्ने समय

अहिले मध्य तराई लागयत देशभरका जिल्लाहरुमा आगलागीका घटनाहरु बढि भईरहेका छन । अत्याधिक गर्मी र हावाहुरीका कारण आगलागीका घटनाहरु भईरहेका छन ।

यसैविच बाराको रमौली स्थित टायल उत्पादन गर्ने उद्योग नेपोभिट उद्योगमा आगलागी भएको छ । आगलागीबाट उद्योगको १ करोड १५ लाख रुपैयाको क्षती भएको उद्योगले जनाएको छ ।

जीतपुरसिमरा उपमहानगरपालिका वडा नम्बर ८ स्थित रहेको नेपोभिट उद्योगको १०१० के.भि.को जेनेरेटरमा आगलागि भएको उद्योगका प्रबन्ध निर्देशक मनोज रौनियारले जानकारी दिएका छन । १ करोड १५ लाख रुपैयामा खरिद गरिएको जेनेरेटर पुरै जलेर काम नलाग्ने भएको रौनियारले बताए ।

जीतपुरसिमरा उपमहानगरपालिकाबाट गएको बारुण यन्त्र र उद्योगमा कार्यरत मजदुरहरुको साहयताले आगलागी नियन्त्रणमा आएको थियो ।

बारम्बार भईरहेको लोडसेडिङ्गले जेनेरेटरमा समस्या आई आगलागी भएको प्रबन्ध निर्देशक रौनियारले दाबी गरेका छन ।

रञ्जन यादव

समाचार शेयर गर्नुहोस
Leave a review