बारा प्रहरीले ९८ लाख ९३ हजार पाँच सय ३१ रुपैयाँ बराबरको सामान सहित ट्रक नियन्त्रणमा लिएको छ ।
जिल्ला प्रहरी कार्यालय बाराका मातहत तथा प्रहरी ईकाइ कार्यालयहरूबाट खटिएका प्रहरी टोलीले बिल भरपाई नभएको तथा सामान सहित ट्रक नियन्त्रणमा लिएको हो ।
सो ट्रकबाट बरामद भएको सामानको श्रोत खुलाउन नसकेको प्रहरीले जनाएको छ ।
ईलाका प्रहरी कार्यालय अमलेखगंजबाट खटिएको प्रहरी टोलिले जीतपुरसिमरा उप–महानगरपालिका वडा नम्बर २१ स्थितमा वीरगंजबाट बाँके तर्फ जाँदै गरेको बा.प्र. ०३–००१ ख २४३८ नम्बरको ट्रकलाई रोकी जाँच गरेको हो । सोही क्रममा सामान सहित नियन्त्रणमा लिएको छ ।
यस्तै ईलाका प्रहरी कार्यालय प्रसौनीबाट खटिएको प्रहरी टोलिले बिश्रामपुर गाउँपालिका वडा नम्बर १ स्थितमा भारतबाट नेपालतर्फ भन्सार छली गरी मोटरसाइकलमा ल्याउदै गरेको अवैध कपड़ा बरामद गरेको छ ।
सो कुर्ता सुरुवाल,सुति साडि,मखमलको ब्राउज, साडी अन्दाजी . ३५ हजार रुपैयाँ बराबरको रहेको प्रहरीले जनाएको छ ।
उक्त सामान सहित ट्रकलाई नियन्त्रणमा लिई आवश्यक कारवाहीको लागी आन्तरिक राजश्व कार्यालय पथलैया,बारामा पठाईएको प्रवक्ता एवम् प्रहरी नायब उपरीक्षक प्रकाश सापकोटाले जानकारी दिएका छन् ।
